Sekretaria Munisipal Asuntu Rekursu no Rinansan Alberto Moniz de Araujo esplika iha Feira Nasional ba Promove Porudutu Lokal ne’e iha Covalima ne’e, la inkui ho atividade jogu (Taru) tradiosional sira mak hanesan Bola Guling, Kuru kuru, Manu Futu no seluk tan maibe iha deit jogu ka game ou rifa ida ne’ebé manan na’in sira sei hetan deit sasan uma laran nian.

“Iha ambitu de komemorasaun loron restorasaun independensia ba dala rua nulu resin rua, ita laiha jogus ida ne’ebé mak hanesan kuru kuru no bola guling so iha game hanesan rifas ida ne’e la kategoria jogus hanesan ha’u temi ona ne’e ida ne’e ba la’os tipu jogu (taru) maibe ne’e game hanesan sira ne’ebé mak kompeti iha game ida ne’e sira manan premiu ne’e hanesan sasan dapur nian hanesan balde, balu hetan sanan, balu hetan raiskuker ida kategoria manan sasan dapur nian” Sekretaria Munisipal Asuntu Rekursu no Rinansan Alberto Moniz de Araujo esplika.

Rifa na’in, Alarico Andrade hateten, jogu ne’ebé mak sira loke la hanesan ho jogu la hanesan ho bola guling maibe ida ne’ hanesan Animasaun atu halo kontente inan aman sira ne’ebé mak mai partisipa iha feira, tanba kalo halimar jogu ne’e sei bele manan sasan dapur nian.

“Ami nia aktividade ohin ami hala’o ida ne la’os joga maibe dada rifa oan ida ne’e hanesan buat kultura ida halo ida ne’ebé guvernu fo apoiu maksimal tebes mai ami no ami halo kompleta deit loron tolu iha fatin oan ida ne’e, ami halo ami nia aktividade oan ida ne’e hanesan dada rifa ema foti ho sasan ruma hanesan hetan helem, hetan masa no buat sira seluk hanesan produtu loka sira nebe iha ami nia fatin refere” nia dehan.

Entretantu Sekretaria Munisipal Asuntu Rekursu no Rinansan Alberto Moniz de Araujo esplika kategoria game “Rifa” ne’e ba oin iha bele kontinuua loka wainhira iha eventu bo’ot Iha Covalima.

Jornalsta : Moichung

Editor : Chamot Nahac