.png)
Diretór Alfandega Munisipiu Covalima Nuno Noguera hatete husi montante osan ne’ebé rekolla iha fulan lima nia laran ne’e mai husi tipu taxa tolu mak hanesan Taxa Importasaun normal, Taxa Venda, no ex-size.
“Tasa ne’ebe ita kobra husi fulan Janeiru-Maiu 2024 ne’e ho montante osan dolar Amerikanu rihun atus ida sia atus neen ualu nulu resin rua rua nulu resin ualu ($ 109,682.28) ne’e tasa bo’ot, maibe ba iha fulan juñu nian ita seidauk bele fo informasaun tanba foin maka tama ba loron 19 fulan ida ne’e nian, taxa ne’ebé kontribui ita rekolla liu husi tipu tolu maka hanesan importasaun normal, taxa venda hanesan taxa ne’ebé fa’an sistema rekolla kedas depois ida seluk maka sasan minuman sira, masin midar ne’ebé bolu dehan ex-size inklui sigaru, tua, maibe iha ita nia fronteira ne’e rasik tua ho sigaru seidauk” dehan Diretor Alfandega ba jornalista sira iha nia kna’ar fatin Postu Integradu Salele Kuarta (19/06).
Diretór Alfandega subliña iha tinan kotuk konsege rekolla taxa, sa’e to’o pursentu 7,5 maibe ba iha tinan ne’e tama ba fulan lima nia laran foin rekolla taxa pursentu 5 signifika taxa pursentu tun.
“Iha tinan ida liu ba ita tasa bo’ot ho nia presentajen pursentu 7,5, maibe iha ita nia governasaun foun ne’e taxa tun ba pursentu 5 ba importasaun taxa hotu-hotu, ita nia komparasaun ne’e depois de tinan ida ne’e remata maka foin bele halo komparasaun, konserteza afeta ba tinan uluk ho agora iha difrensia uitoan tanba iha pursentu 2,5 maka ita hapara tiha ne’ebé agora daudaun ita kobra de’it pursentu 5 ba sasan hotu-hotu” nia dehan.
Diretor Servisu Alfandega Munisipiu Covalima Nuno Noguera relata taxa ne’ebé rekolla iha fulan Janeiru ho montante $ 23, 292..57, fulan Febereirru $ 21, 537.19, Marsu $ 17, 888.01, Abril $ 23,411.82 no fulan Maiu $ 23, 552.69, tanba ne’e maka iha fulan 5 nia laran Alfandega konsege rekolla ona reseitas ho montante $ 109,682.28.
Jornalista : Jului Salinas, Zavara Revolta
