Covalima (RCCT) 23-04-24-Semana ne’e, Autoridade Munisipal Liu husi Servisu Munisipal Administrasaun no Rekursu Humanu (SM-ARH) Covalima, sei anunsia rezultadu ikus ba konkorente sira ne’ebé admitidu iha faze intrevista ba vaga ofisial suku.
Nune’e Diretór SM-ARH Jose Manuel Gonçalves Informa, Ofisial Suku sira ne’ebé pasa iha teste ne’e sei asina kontratu iha inisiu fulan maiu tinan ne’e hodi hala’o servisu iha Suku ida idak.
“Anunnsia rezultadu lolos ne’e ohin iha dia 23 anunsia ona, maibe tanba ita nia prezidenti autoridade munisipal sei desloka ba dili entaun ita sei hein aprovasaun, tanba ne’e mak depois de prezidente autoridade fila husi dili, maka foin ita anunsia, mais menus iha dia 26 ita bele anunsiu ba publiku. Sira nia kontratu sei asina iha dia 1 de maiu 2024 agora, depois de sira asina kontratu sira lansun kontinua ho serbisu kedas” Informa Diretor Servisu Munisipal Administrasaun no Rekursu Humanu (SM-ARH), Jose Manuel Gonçalves ba RCCT iha resinto Administrasaun Covalima.
Nia dehan iha Postu Administrativu 7, Suku 30 hamotuk ofisial apoiu suku na’in 120 ne’ebé kada suku ida ema na’in 4 ba ho pozisaun ne’ebé la hanesan.
“Munisipiu Covalima rasik iha postu 7, suku 30 ne’ebé maka husi sira na’in atus rua resin ne’e sira nain atus ida rua nulu maka (120) sei liu, iha ofisial na’in hat kada suku, ida ba sekretariu Suku, Ofisial administrasaun suku, ida seluk fali ofisial finansas suku ho ida fali ofisial asuntu sosial suku ho sira ne’e mak total kada suku sei ema na’in hat” Diretór Servisu Munisipal Administrasaun no Rekursu Humanu (SM-ARH), Jose Manuel Gonçalves, hakotu.
Teste ba Ofisial Apoiu Suku iha Munisipiu Covalima ne’e hala’o ona iha loron 17 fulan abril foin lalais, ba ema na’in 223 ne’ebe admitidu iha selesaun dokumentu maibe iha deit ema na’in 216 mak kompente iha faze intrevista tanba ema na’in 7, hetan ona servisu iha fatin seluk, engkuantu Covalima oan ne’ebe aplai ba vaga ne’e hamotuk ema na’in 330.
Jornalista : Moichung
Editor : Chamot Nahac
