Covalima (RCCT) 04-02-24—Inan aman estudante iha Covalima Kontinua ejiji ba Ministeriu Edukasaun atu fo oportunidade ba sira nia oan asesu ba eskola sekundaria jeral iha Suai, reprezentante inan aman estudante hamotu na’in 204 ne’ebé seidauk iha oportunidade asesu ba eskola sekundaria jeral iha suai, Rosito de Araujo Monis lamenta ho desizaun husi ministeriu edukasaun ne’ebé orienta eskola sekundaria jeral suai simu deit estundate foun hamotuk 540.
Reprezentante inan aman estudante ne’e dehan estudante sira ne’ebé rejista ona iha edukasaun Covalima, iha fulan Dezembru 2023 hamotuk ema na’in 204 la satisfas tanba eskola sekundaria jeral la autoriza estudante sira atu tuir gladi ba orientasaun estudante foun iha eskola sekundaria jeral publiku suai.
“Iha ema atus rua resik mak mai regista iha edukasaun, ohin atu ba gladi iha SMA negri iha eskola neba maibe professor sira dehan labele ona, labele tanba simu ema limitadu los, terbatas, simu deit ho alunus atus lima hat nulu, ho ida nemak ami inan aman ladun kontente tanba despashu husi ministra tun mai derepente deit dehan loke semana ida maibe loron rua deit tanba sira husi professor sira tenke kumpri desizaun husi ministra nian, nebe ami nudar inan aman la kontente tanba quandu hanesan ne ami ninia oan sira atu ba nebe ba eskola akar laran mos hanesan deit, ami nia oan sira ladun seguru liu, nebe ami hakarak ne ami nia oan sira tenke tama duni iha SMA negri.” katak Rosito de Araujo Monis
Iha fatin hanesan Mikael Amos Neno saran lia konaba lakohi nia oan ba eskola iha Eskola teknika vokasial akar laran tanba distansia dook husi vila no mos fatin eskola iha risku bo’ot ba dezastre naturais nune’e Maikel dehan la seguru ba sira nia oan atu eskola iha Eskola teknika vokasional akar laran.
“Eskola akar laran la asegura ba ami nia oan sira tanba ami hare tinan barak ona, dalaruma mota bo’ot ami nia oan sira la ba eskola, entaun ami nia oan sira ne lakon, tanba ita hare tinan barak ona iha akar laran ne’e mota sa’e bebeik, tempu udan araska uituan”Mikael Saran
Diretór Edukasaun Munisipio Covalima Franselino Freitas Carvalho Esklarese Konaba despaixu husi Ministeriu Edukasaun, nune’e inan aman sira bele intende didi’ak katak Ministeriu Edukasaun mak limita eskola sekundaria jeral sira simu estudante foun ne’e relasiona ho kondisaun ne’ebé eskola sira infrenta no sala de aula la sufisiente.
“Dadus ne’ebé maka servisu munisipal edukasaun konsege hetan husi numeru estudante ne’ebé mak ohin marka presensa iha edukasaun nemak hamutuk duzentus e quatru pessoas, sira ne’e hotu hotu ezizi atu asesu ba iha ensinu sekundariu jeral. Maibe hanesan ha’u informa katak, politika ministeriu ninian define ninia numeru vagas ne’e tanba atu nune eskola sira labele simu estudante sira ho numeru ne’ebé que bo’ot iha eskola sira tanba hare ba entermus de kondisoens, kondisaun sala de aula ne’ebé la sufisiente e depois hare mos ba iha numeru rekursu manorin nain ne’ebé mak la sufisente mos, ho hanoin nemak ha’u mos hanoin liu husi despaixu ne ‘emak hatete katak iha limitasaun por ezemplu ba iha ensinu sekundariu publiku suai ninian iha despaixu ne’e hatete mos katak simu deit 540 pessoas, I depois ba fali iha ESGP fohorem 90 pessoas, ESGP Zumalai 250 pessoas, ba eskola tekniku vokasional akar laran 350 pessoas,” esplika Diretor Edukasaun Munisipiu Covalima Franselino Freitas Carvalho.
Entretantun tuir despaixu husi ministeriu edukasaun katak Eskola sekundaria jerel publiku suai simu deit estudante foun hamotuk 540, Eskola sekundaria jeral fohorem simu 90, eskola sekundaria jeral Zulamai 250, no Eskola Sekundaria Tekniku Vokasaional akar laran simu estudante hamotuk ema na’in 350.
Maibe tuir dadaus husi servisu edukasaun Covalima, konaba rejistrasaun ba estudante foun sira katak husi eskola sekundia jeral publiku fohorem foin atinji 54 pessoas, eskola teknika vokasional akar laran foin rejistu ema na’in 14, eskola sekundaria jeral zumalai rejista ona ema na’in 150.
Jornalista : Moichung
Editor : Chamot Nahac
