Dili (RCCT) 10-05-25-Iha Dili Dialogue Forum (DFF)2025 ho tema The Impact Of Artificial Intelligence on Press Freedom and the Media ne’ebé Konsellu Imprensa, Primeiru Ministru Timor Leste Kay Rala Xanana Gusmão deklara nudar antigu jornalista dehan, DDF hanasan Plataforma nasional no rejional, rekursu ba media no seosiedade halo diskusaun, kritika ba setor hotu hotu governu nian, sosiedade sivil hodi halibur dadus no faktus, analiza forma no proteje Liberdade imprensa.
Xefe Governasaun da sia ne’e husu Jornalista Timor oan sira kaer metin faktus no dadus liu husi halo kobertura investigativu.
“Nudar antigu jornalista ida iha the Dili Dialogue forum 2025, nian sai hanesan Plataforma nasional no rejional, rekursu ba media nian iha Ita nia sosiedade no halo diskusaun Konaba kestaun kritika husi ita nia tempu agora halibur hamutuk, kria Sira husi setor hotu-hotu husi governu, husi sosiedade sivil, husi edukasaun husi diplomasia atu analiza forma oinsa atu proteje ita nia liberdade espresaun no insentivas sosiedade ida ne’ebé informadu lao ativa” PM Xanana ko’alia iha diskursu hafoin halo abertura ba The Dili Dialogue Forum 2025 ne’ebé hala’o iha salaun Multiusos GMN Bebora Dili, Sabadu (10/05) .
Primeiru Ministru dehan media hanesan pilar husi demokrasia, no Artificial Intelligence(AI) nudar dezafius foun ba media.
“Ha’u kontente hare imi joven barak iha ne’e, ha’u ko’alia liu ba imi, tanba imi maka sei kaer Rai Ida ne’e, no presija komunikasaun sosial Ida ne’ebé forte no independente atu bele promove dialogu ne’e sai no hatudu korupsaun, apoia kultural Politika ne’ebé aberta no ko’alia ba komunidade sira vuneravel ba sira ne’ebé laiha k’bit atu fo sai sira nia hanoin karik, Ita nunka mais taka metin Timor oan sira nia lian ho nune’e maka Imprensa ohin loron ne’e buka de’it maka deklarasaun hodi sai viral, muda hanoin uitoan ba. Ita hotu haka’as an to’o Timor-Leste sai hanesan País Ida ne’ebé haklaken lia loos, tanba ne’e maka ha’u temi bebeik atu sai jornalista la’os rona lia fuan, tau, maibe tenke iha esperitu k’bit atu investiga, tanba atu sai independente lori lia loos tenke hatudu faktus, Lae buat Ida Mai Ita Soe ba liur, buat Ida viral iha media sosial la’os liberdade Imprensa” Xanana deklara.
Primeiru Ministru husu Jornalista Timor oan sira atu kaer metin prinsipiu hodi halo investigasaun Ida ne’ebé klean tenke hatene tuir faktus no dadus Ida ne’ebé loos, tanba konten ne’ebé viral iha media sosial la’os liberdade Imprensa.
Tinan ne’e Konsellu Imprensa organiza Dili Dialogue Forum (DFF)2025 ho tema The Impact Of Artificial Intelligence on Press Freedom and the Media ne’ebé selebra hamotuk ho tinan 9 ezistensia Konsellu Imprensa Timor Leste, ne’ebé hala’o iha salaun Multiusos GMN Bebora Dili.
Jornalista : Julio Salinas
Editor. : Chamot Nahac
