Impaktu husi anin boot no udan la mai halo komunidade nia batar no ai farina namlaik iha to’os laran

Covalima (RCCT) 09-02-21-Ai han Lokal hanesan batar no ai farina nebe komunidade sira iha kuda iha to’os laran hanesan batar, komesa namlaik tanba impaktu husi udan no anin bo’ot akompanya troka malu ho loron, hahu iha fulan Janeiro to Febreiru tinan ne’e.

Ba Jornalista Radio Comunidade Cova Taroman  Comunidade Agricultora Olinda de Deus  Lay iha nia intrevista hatete ,batar no aifarina nebe  kuda iha to’os laran  mate hotu tamba  impaktu husi anin bo’ot no udan la mai,

“Batar sira mate hotu,tanba anin boot, udan mos la mai tan ne’e, ai farina nia tahan mate ne’e tanba anin bot depois udan ben laiha. uluk udan ne’e batar la mate, mas agora batar funan tiha mak udan laiha ne’e mak foin sai hanesan ne’e tanba anin boot la ho udan ben.” Olinda Konta ba Radio Cova Taroman tersa feira (08-02-21)

Agrikutura Olinda  de Deus Lay hatutan  hanesan to’os na’in nia senti araska ba moris ida  agora, tanba produto lokal  nebe mak sira  kuda iha to’o laran la fo rezultadu resutadu nebe di’ak sira, olinda mos preokupa ho folin fos nebe mak sae  iha merkaduria.

“Batar estraga hotu, afarina mos tahan monu hotu, ne’e ninia hasil laiha ona, ami araska, depois fos mos folin sa’e iha merkadu, nebe ami husu ba gorvernu atu ajuda ami povu sira” Tenik Olinda ba RCCT.

Iha nia to’os, Olinda Lay kasu lia dehan mundansa klimatika halo udan mai la tuir nia tempo fo impaktu negativu ba sira nia produtus nebe kuda iha to’os laran.

Jornalista : Jhana Cardoso

Editor : Chamot Nahac