COVALIMA—-Prezidente Autoridade Nasionál Petroleo no Minerais (ANPM) Florentino Mateus Soares Ferreira, deklara iha situasaun pandemia covid-19 nia laran halo ema hotu labele halo momentu ba mai hela deit iha uma, maibe ho esforsu tomak take dignidade nasaun ANPM konsege fura mina matan 6, mak hanesan posu tolu iha rai maran Covalima no posu tolu iha tasu laran.
“Esforsu sira ne’ebe ita halo durante covid-19 ema hakfodak ita fuma mina matan posu 6 iha tinan 2021 liu ba, iha tempu ne’eba atu fura posu ida deit mos susar, mas iha covid-19 nia laran ita fura posu 6, posu tolu ita konsege halo iha Covalima parte rai maran nian, posu tolu Bayu Undan,” informa Prezidente Autoridade Nasionál Petroleo no Minerais (ANPM) Florentino Mateus Soares Ferreira, iha nia intervensaun hafoin hala’o desiminasaun informasaun ba katuas lian na’in sira iha Covalima ne’ebe hala’o iha salaun Administrasaun Postu Suai (22/03) foin lalais.
Nia dehan husi posu 6 ne’e, posu tolu iha Bayu Undan konsege hatama ona reseitas ba kofer estadu ho montante orsamentu billiaun $1.2.
Prezidente ANPM ne’e dehan Bayu Undan sei la taka se karik governu ida ne’e kontinua ba ukun, tanba prepara tiha ona futuru ba Bayu Undan sei ejiste tan tinan 25 mai oin ho kapturasaun aprozionamentu ba CO² ida ne’e bele jere osan uitoan.
“Ita nia Bayu Undan ne’e sei sai maior CCS iha mundu, boot liu iha mundu kompara ho pais sira seluk, nia iha kapasidade 10 miloens tonelada pur ano, bainhira hau aprezenta ida ne’e ba ema sira Azean sira hakfodak, sira dehan ami la espera Timor bele iha inovasaun hanoin kreativu teb-tebes avansadu loos, agora ami Indonezia, Malaysia ho Singapura foin maka atu halo reuniaun iha fulan Setembro tinan kotuk” esplika Prezidente ANPM.
Nia haktuir maske Timor-Leste pais ki’ik maibe bele lidera rejiaun bainhira kombate ona CO², entaun ba iha futuru ne’e asegura ona, tan ne’e iha tempu badak nia laran sei lori rezolusaun ba iha Konsellu Ministru (KM) apezar kria tan industria boot ida iha induatria petroliferu nia okos purtantun8da ne’e esforsu durante ne’e ANPM halo.
Nia esplika lojistikamente defisil bainhira atu hatun amkina perfurasaun sira iha portu Suai-Loro ne’ebe ateru deit ho rai, tanba iha tasi laran tempu covid ne’e susar la halimar pais ida ne’ebe maka atu loke nia fronteira, maibe ho meus oi-oin konsege prova dehan katak ho situasaun defisil konsege halo perfurasaun ba mina.(Azu)
