Tanba ne’e Inspesaun Geral Jogu (IGJ) ho Polisia Cientifika Investigação Criminal (PCIC) Kuarta ne’e realiza atividade Sosializasaun konaba rezolusaun numeru 14/2024 20 de marsu kona ba suspensaun provizoria Atividade Jogu Bola Guling iha teritoria nasional, ba Autoridade no jogu nain sira iha Munisipiu Covalima.

“Atu informa deit katak iha dia 20 de marsu liu ba guvernu hasai rezilisaun numeru 14/2024 ne’ebe mak suspende temporariamente atividade jogu bola guling (BG) iha teritoriu timor laran tomak, ita nafatin halo operasaun BG iha sidade Dili no mos fatin fatin, ikus liu ita halo divulgasaun ba munisipiu hotu Timor laran tomak, objetivu husi divulgasaun ne’e mak oinsa ita atu trasmite rezulusaun ne’e ba komunidade sira hotu, ba ita nia operador sira hotu, aktividades regular husi dekretu lei ida ne’e temi jogus oin tolu mak, jogus diversaun, makina do jogu no jugu tradisionais” Sub-Inspetor IGJ, Edmu Benjamin Colho Lopes, esplika.

Iha fatin henesan Investigador PCIC, Antonio Soares, hateten PCIC sei foti desijaun ba operador sira ne’ebe mak loke jogus la tuir regulasaun hodi prosesa tuir lei ne’ebe mak vigor

“Iha ne’e na’in ba jo inspesaun de jogu, entaun sira halo divulgasaun, parte PCIC hola parte iha ezekuta rezolusaun ida ne’e, entaun PCIC mos bele ko’alia konaba saida mak PCIC nia kompetensia atu halo tindakan ba iha operador sira, signifika sira ne’ebe loke la tuir regulasaun ne’e ita bele prosesu sira tuir lei ne’ebe mak vigor iha Timor-Leste. Konaba esplorasun jogu, elisetu ne’ebe kuandu sira kontra ou la kohi kumpri regulamentu ne’ebe mak hasai ona ita bele prosesu tuir prosesu penal no ita remete ba Ministeriu publiku” Nia esplika.

Entretantu IGJ hamotuk ho PCIC fahe informasaun konaba rezolusaun numeru 14/2024 20 de marsu ne’e hala’o iha salaun administrasaun Munisipiu Covalima hetan partisipasaun husi Sekretariu Munisap Planu Investimentu dezenvolvimentu Ingradu, Caetano dos Santos, no Administrador postu administrativu Tilomar inklui Xefe suku na’in 30 ho xefe aldeia sira, Ofisial Polisia Suku, no estudante sira husi UNPAZ ramo Covalima.

Jornalista : Moichnung

Editor : Chamot Nahac