Foramasaun ne’e atu hasa’e koñesimentu baziku konaba dokumentu finanseiru no kontabilidade baziku hodi ekozara emprezariu lokal sira atu bele ekonomia rai laran. Xefe Ezekutivu Dezenvolvimentu Sistema Finanseiru iha BCTL, Timoteo Gomes Pires
“Objetivu husi koperasaun entre Banco Central IADE ho CCI-TL objetivo prinsipal mak banco Central hakarak enkoraza ita nia parseiru sira liliu ita nia enprezariu lokal sira atu bele iha kuñesimentu iha asuntu rua ida asuntu konaba dokumentasaun finanseira ida fali konaba kontabilidade Basiku ita presiza halo investimentu ba asuntu rua ne’e tamba ita nia empresariu sira barak liu maka hatene rona deit maibe iha pratika sira seidauk iha kuñesimentu k,lean, tanba ida ne’e banco central senti katak iha papel importante ida mak entre instituisaun tolu banco Central, IADE ,CCITL investe hamutuk ho ita nia emprezariu sira para sira mak sai hanesan abut ka roda ekonomia iha rai laran, tanba ita bo’ot sira hatene katak enpresariu ne’e mos halo mos papel importante bele kria kampu de traballu, bele haburas ita nia ekonomia rai laran” Xefe Ezekutivu Dezenvolvimentu Sistema Finanseiru BCTL Timoteo Gomes Pires, Informa.
Empreazaria Yuliana Yustina Inosensia Hoar konsidera formasaun ne’e bele hasa’e sira kuñesimentu iha area negosiu liu hatene konaba halo kontabilidade ba lukru husi atividade negosiu ne’ebé sira hala’o.
“Ami senti kontenti tamba ho formasaun ida husi Banco Central ho IADE fo ba ami durante loron tolu hahu husi dia 16 to’o ohin dia 18 loron ikus ne’e ami sente kontente tamaba materia ida ne’ebe mak ami durante ne’e nunka hetan hanesan ami bisnis deit la iha perhitungan osan ne’e mai husi ne’ebé, lakon hira menan hira ida ne’e hanesan ami asal deit, hanesan ami nia kolega balun mos dehan yang penting hetan projetu hetan lukru husi ida ne’eba mais ba tuir ohin loron tolu ba treinamentu ida ne’e ami senti kontenti tan ami bele hetan materia ida ne’ebé mak durante ne’e ami nunka hetan ami bele hetan hodi aumenta ami nia kapasidade ba iha ami nia bisnis” Emprezaria, Yuliana Yustina inosensia Hoar, dehan.
Formasaun ba emprezariu lokal sira ne’e hala’o durante loron 3 hahu iha segunda to’o to’o Kuarta Feira semana ne’e, iha salaun IADE Covalima ne’e ho Tema Mikro, Pekena no médiu iha área dokumentasaun finanseira no kontabilidade Basziku.
Jornalista : Alfredo Barreto
Editor : Chamot Nahac
