Covalima (RCCT) 11-05-21 Husi Fulan Janeiro to’o Maio 2021 ne’e, PNTL Covalima liu hisi SeksaunTranzito hatama reseitas ba kofre Estado hamutuk Dolares Amerikanu rihun ha’at resin, husi total orsamentu ne’e rekolha husi infrasaun mak hanesan (Dokumentos mate, la uja atributo, la lori dokumentos).
“ Husi Fulan Janeiro to’o Maio ne’e, husi ami hatama osan ba kofre Estado ne’e hamutuk rihun ha’at resin, husi total ne’e mai husi tipo infrasaun, mak hanesan ba sira ne’ebe maka dokumentos mate maibe la trata, no balu nebe maka la uja atributo sira ne’e, nomos balu dokumentos moris hela maibe sira la lori” dehan Komandante Trânzito Sargento Chefe Patriçio de Jesus iha nia servisu fatin Tersa (11-05).
Komandante Polisia Tranzito Covalima ne’e esplika, iha 2020, PNTL Covalima liu husi seksaun Tranzito hatama osan ba kofre Estado hamutuk dolares Amerikanu rihun sanululu-resin.
“ Tinan uluk nian hotu tiha ona, ne’ebe iha tinan uluk ne’e ami hatama osan ba kofres Estado nian ne’e hamutuk Dolares Amerikanu Rihun Sanuluh resin.” Dehan Patricio
Engkuantu Comandante Trânzito ne’e enkoraza ba motorista sira, bainhira halo viagem tenke uja atributo, no tenke lori dokumentos nebe maka iha atu nune’e labele hasoru difikuldade durante Viazen.
Jornalísta : Tynho Gusmão
Editór : Chamot Nahac
