HOLGAPA- Oho karau tan lakohi fo Ayam Potong no Modo repolhu ba komunidade benefisiariu Sesta Bazika iha Suai Loro.

Covalima (RCCT) 10-02-21- Terça Feira ne’e Direktur Kompanya HOLGAPA Faustinho da Costa kasu lia ba RCCT dehan, sasan nebé  maka distribui ba komunidade bazeia ba lista nebé Governu  termina ba kompanya atu fahe ba pupulasaun sira inklui iha Suco Suai Loro.

“ Ami fahe tuir lista Guverno nian, maibe ami fahe deit iha Suku Suai Loro Aldeia lima, total orsamentu nebe ami hetan hamotuk hodi sosa sasan Sesta Bazika ba Komunidade sira iha Suku Suai Loro  hamotuk ne’e kauze rihun atus rua resin” Diretur Kompanya HOLGAPA Faustinho da Costa, esplika.

Diretur hatutan material ne’ebé maka distribui ba komuniadade hanesan fos tuir guvernu kada ema ema 5 kg maibe husi kompanya fo kada ema ida fos kilo grama 10.

ho agora dadaun ne’e kompanha oho ona karau sanulu resin lima ba iha aldeia Loro iha suco Suai Loro no mos GOLGAPA oho Karau hodi fahe mos naan ba Komunidade Benefisiario sira tanba konsidera lakohi fo naan ladiak ka at ba povu.

“ Tuir governo nian, fos kilo lima, maibe  Ami fo fos kilo sanulu tanba ami hamenus tia ona modo. hanesan repolho ,ayam potong , tamba ami  lakoi atu fo modo at ba Komunidade sira, agora ba iha Aldeia Loro ne’e ami oho ona karau sanulu resin lima  maibe la to’o, ami nafatin iha responsavel atu nune’e Komunidade sira bele han modo nebé mak di.ak” Tenik Diretur Kompanha HOLGAPA Faustinho da Costa.

Komunidade benefisiariu iha Aldeia Loro Suku Suai Loro Agustinho Misu de Jesus  Honkon espresa ninia sentimentu kontenti ho programa sesta bazika ne’e tanba bele hodi kompletu sira nia nesesidade iha sira nia familia

“senti kontenti ho programa sesta bazika ne’e  maske la kompletu maibe ida ne’e hanesan ajuda netik ami ba  iha semana ida ka rua” Agustinho espresa.

Jornalista :Lito de Jesus & Aje Fereira

Editor : Chamot Nahac