Covalima (RCCT) 03-05-25- Relasiona ho komemorasaun loron Munidial Liberdade Impresa, Administrador Postu Administrativu Suai, Munisipiu Covalima, atu garante imprensa ka pers sai nafatin forsa ida ba buat di’ak, promotór justisa nian, no instrumentu ida atu avansa sosiedade mak persija ema hotu nia espiritu respeitu ba malu no kompromisu hamotuk ida ne’e gloriozu.
Tan ne’e Ildefonso Maria Amaral dezafia hodi motiva media lokal ho ninia jornalista sira atu kontinua hatur kompremisiu no dedikasaun ne’ebé maduru hodi fo informasaun ne’ebé kredibel ba sosiedade sira liu liu munisipiu Covalima.
“Ha’u Nafatin Dezafia no motiva, Media Lokal ho ninia Jornalista sira, hanesan Suai Post, Radio Komunidade Cova Taroman no mos Covalima News, no mos Jornalista husi Media Nasional Sira ne’ebé Deskata iha Covalima, atu nafatin hatur imi nia kompremisiu no dedikasaun ne’ebé maduru hodi hatun informasaun ida ne’ebé kredibel ba sosiedade sira hotu.” APA Suai, Ildefonso Maria Amaral dehan.
Tan ne’e, Autoridade Postu ne’e kontinua husu ba Radio Comunidade Cova Taroman atu nafatin sai fonte importante hodi halo prevensaun ba notisia falsu no sensura ne’ebé fasil espalla no sai kompreleksu ba sosiedade tomak iha mundu.
“Husu Liu ba Radio Komunidade Cova Taroman atu kontinua nafatin sai fonte importante hodi prevene Notísia falsu, sensura, ne’ebé agora daudaun, sai kompleksu no dezafiu ne’ebé mundu imprensa hasoru. Ameasa ba liberdade espresaun mak asuntu sira ne’ebé ita presiza tau atensaun hamutuk.” Tenik nia.
Autoridade Postu ne’e mos hato’o ksolok Loron Mundiál Liberdade Imprensa ba membru imprensa hotu iha Mundu no Rai Doben Timor Leste liu liu iha Munisipiu Covalima. Nia mos agradese ba dedikasaun no esforsu tomak ne’ebé Media ho ninia jornalista sira iha hodi mantein ema hotu informadu no hakbiit iha informasaun ne’ebé loloos no Justu.
“Hein katak ita hotu bele suporta nafatin liberdade imprensa ba futuru ne’ebe diak. Parabens ba Jornalista sira iha Mundu tomak, liu liu iha timor leste, partikularmente iha Munisipiu Covalima.” APA Suai Hakotuk.
Nune’e mos Prezidente Konsellu Radiu Komunidade Cova-Taroman Edinho Moniz dehan, RCCT hamrik atu atu hato’o lia loos ba komunidade sira liu liu iha Munisipiu Covalima.
“Liberdade imprensa nu’udar ai-riin ba demokrasia. Ho nune’e Radiu Komunidade hamriik atu hato’o lia-loos, diversidade, no lian povu nian, ne’ebé sei kontinua mantein espasu informasaun ne’ebé livre, onestu no responsavel ba komunidade sira.” Edinho Dehan.
Reportazen Chamot Nahac
