Covalima (RCCT) 25-06-2026-Eskola Sekundaria Geral Publika Nu Tetu Fohorem la iha manorin na’in ba materia Quimika hodi difikulta estudante sira nia materia ba Ezame Nasional.
Diretor ESGP Nu Tetu Fohorem Abel Ferreira Besin relata durante ne’e professor Materia Quimika iha maibe mai ho estatutu Voluntariu no professor tuir tiha konkursu ba Professor Permanente Ensinu Baziku no ba hanorin fali iha fatin seluk ho ida ne’e mak difikulta ba Materia Quimika.
Ba parte rekursu nian ami sei falta professor Quimika, professor Quimika to’o agora ami seidauk iha tanba foin dadauk iha Professor na’in ida mak Voluntariamente hanorin Materia Quimika iha ESGP Nu Tetu Fohorem maibe tuir bolsa kandidatu nian no nia liu tiha iha Ensinu Baziku, entaun ami difikulta teb-tebes ba Materia Quimika.” Abel Ferreira Besin, relata.
Xefe Departamentu Parke Eskolar Beneditos Asa hatan ba preokupasaun Diretor ESGP Nu Tetu Fohorem katak Professor sira husi materia seluk ne’ebe relevante hanesan Professor Materia Fizika no Biolojia bele hanorin Materia Quimika ba estudante sira.
Kona-ba menus professor ne’e iha tinan kotuk liu ba liu liu iha fim do ano 2025 ne’e iha kolokasaun professor Sekundaria lubuk ida maibe ba professor sira ne’e parese husi professor sira ne’ebe koloka ba ne’e Bolsu Kandidatu sira ne’ebe mak parese sira husi backround Quimika mak la iha maibe ida ne’e la’os sai kestaun boot ida ne’e ita nu’udar dirijente eskola tanba iha ne’eba disiplina barak mak bele hanorin por ezemplu disiplina Fizika nia mos bele hanorin no nia bele aumenta tan oras ba iha disiplina Quimika i hanesan mos disiplina siensia naturais seluk hanesan biolijia nia mos bele hodi hein bainhira ita hetan professor ida ne’ebe ho nia backround Quimika, se karik durante ne’e jestaun diretor sekundaria nu tetu katak foti professor husi ema li’ur hanesan kontratu husi sira no pagamentu ba ema nia salariu mai husi estudante sira nia inan aman ne’e akordu inan aman nian, maibe fulan fulan ne’e alunus sira atu kontribui ba selu professor ne’e osan nia la bele aas liu tanba lei la fo dalan.” Beneditos Asa, relata.
Iha sorin seluk mos Xefe Departamentu Parke Eskolar Beneditos Asa relata tan katak durante ne’e ami husi parte edukasaun seidauk rona kona-ba professor Quimika la iha, no ami rona deit husi momentu Vizita Traballu PAM Covalima iha Postu Fohorem no lolos ne’e la bele hato’o ba PAM Covalima hanesan diretor tenke mai direite iha Edukasaun Munisipiu Covalima hodi hato’o problema sira ne’e.
Jornalista Paul Mandeu
