Covalima (RCCT) 01-07-2026-Lafaek tata mate sidadaun feto ida iha area wetaba deskonfia ultrapasa fronteira ilegalmente ba nasaun indonézia.
Bazeia ba informasaun husi komandu polísia munisípiu covalima katak, sidadaun feto ne’ebe lafaek tata mate iha área wetaba postu tilomar ne’e diskunfia ultrapasa ho ilegalmente ba nasaun indonézia iha loron 4 fulan abril tinan 2026 no fila hikas iha loron 26 fulan juñu semana kotuk ho objetivu atu sae Sintu Warga ba orgaun PSHT iha indonézia hafoin fila husi indonézia durante besik semana ida maibe sidadaun ne’e la fila to’o nia hela fatin zumalai tanba deskonfia lafaek tata mate iha area wetaba postu tilomar nune’e família desidi buka tuir iha area wetaba tilomar ne’ebe fronteira terestre direita ho indonézia.
Segundu komandante polísia munisípiu covalima Sup. Asistenti Patrício de Jesus hatete hafoin buka durante besik semana família ho polísia hetan deit matebian nia ruin ida inklui ropa no sasan ne’ebe matebian uja hanesan kalsa, faru, sinelus, sapatu no sápeu.
Tuir informasaun katak sira ba sorin iha loron 04 Abril tinan 2026 atu ba sa’e sintu ba perguruan PSHT nian, maibe iha dia 26 Juñu nia fila mai Timor liu husi tasi ninin, tanba informasaun ami simu husi Skuadra Tilomar buka tuir ninia informasaun ba iha fatin akontesimentu sra hetan deit nia roupa, nia sinelus, nia sepatu no ninia hena balu no husi nia familia deklara katak sasan sira ne’e ami nia oan feto ne’e nian, ho ida ne’e la’os roupa deit mak sira hetan maibe sira hakat ba sorin uitoan sira hetan mos ruin ida tanba ne’e tasi ninin deskonfia ruin ne’e mos labarik feto nian tanba ruin ne’e besik nia roupa. Sup. Asistenti Patrício de Jesus, relata.
Sup. Asistenti Patrício de Jesus segundu komandante polísia munisípiu covalima segundu komandante ne’e argumenta sidadaun feto ho naran teresinha cardoso nia ruin no ropa ne’e parte família polísia no komunidade aldeia wetaba hetan iha lágoa kasalak suku beiseuk postu tilomar iha loron 30 fulan ne’e.
Provizoriu ida ne’e mak ami hatene no buat seluk sei iha prosesu investigasaun no ami sei buka tuir nafatin no ema balu identifika tanba nia oan hakiak ne’e mak hamutuk ho nia haruka nia inan ne’e mak fila uluk mai Timor depois de sira sa’e sira nia sabuk iha indonesia ranting ida ema 25, depois sa’e tiha sabuk hotu nia husu nia inan dehan ama fila uluk depois ha’u tuir, no sira hamutuk ne’e sira tuir grupu no grupu ida ema na’in 10 ou 9 no sira mai la hamutuk keta ketak, ida mak deskonfia nia la koalia dehan lafaek mak tata nia maibe nia tilun ne’e kanek hela, tuir informasaun husi nia kolega sira dehan lafaek mak tata nia maibe nia na’in deklara dehan ha’u hakfodak ha’u nia tilun ne’e kanek tiha. Sup. Asistenti Patrício de Jesus, argumenta.
Sup. Asistenti patrício de jesus segundu komandante polísia munisípiu covalima matebian nia ropa sira hanesan kalsa, faru, sapatu, sinelus no sápeu hirak ne’e dadaun halot hela iha komandu polísia munisípiu covalima enkuantu matebian nia ruin parte família no polísia asegura hela iha sala mortuáriu ospital referal suai hodi hein prosesu kontinuasaun husi parte Forensik Nasionál hodi hatene motivu husi akontesimentu refere.
Jornalista Paul Mandeu
