Diretor Ezekutivu Hametin Lia Tatoli (HLT) Cipriano Menezes, informa, fundus ne’ebe hetan husi Gabinete primeiru Ministru ne’e utiliza hodi hametin susntentabilidade ba grupu aki kultura no holtikultura ne’ebe mak hatudu rezultadu servisu iha loron 60 nia laran bele ona koileta pateka hamotuk hun rihun ida atus rua hitu nulu (1270)
“Ong HLT hetan fundus husi gavinete primeiru ministru husi SASCAS, hamotuk dolar amerikanu rihun sanulu, apoiu ba grupu rua, grupu ida mak Akikultura, hakiak ikan iha Postu Administrativu Suai, Suku Suai Loro bairo laen tolu, nomos grupu ida iha postu tilomar suku maidemu aldeia kaikoli, ida ne’e apoiu ba holtikultura, iha apoiu ne’e organizasaun la’o ho pakote ida katak, instala ahi, fura be, apoiu fini no mos sanyo, hodi kria ninia sustentabilidade,” esplika Diretor Ezekutivu Hametin Lia Tatoli (HLT) Cipriano Menezes.
Nia Salente, Atividade holtikultura halo produsaun pateka ne’e hanesan motivasaun ba agrikultura sira tanba ne’e nia nafatin husu ba Governu atu investe masimu iha area agrikultura liu husi fo fundu ba sosiedade sivil sira.
“Apoiu Tekniku mos durante ne’e la’o, ne’e mak kuda pateke ne’e ho loron 60 deit bele koilleta ona, entaun ida ne’e sai motivasaun ba ita nia to’os na’in sira, oinsa produsaun ne’e atu la’o ba oin governu persja investe masimu tanba durante apoiu ho osan ne’ebe ki’ik maibe ami la’o ona mais sei dauk masimu seim pursentu, ba oin ami husu ba governu atu tau fundus bo’ot ba programa apoiu sosiedade sivil ” tenik nia.
Xefe Grupu, hanesan mos tekniku ba grupu Manu to’os, Laurentino Amaral mos ko’alia konaba apoiu husi ong hametin lia tatoli ne’ebé ajuda dada eletrisidade husi Estrada bo’ot mentru 800 no fura be ba grupu hodi fasilita membru sira halo produsaun pateka.
“sira ajuda dada ahi husi luron bo’ot mai iha ne’e 800 meter depois sira fura be iha ne’e metru 9, ami tula rai metan karada tolu, hare kulit karada ida hdi tuka pateka ne’e ajuda husi ong HLT. Ami grupu mak atu fura be no dada ahi rasik ne’e ami nia kbit la to’o, maibe husi HLT ajuda ne’e mak ohin loron ita bele halo lansamentu pateka ne’e” katak Xefe grupu Manu to’os, Laurentino Amaral.
Entretantu Organizasaun La’os Governu nian Hametin lia Tatoli, Apoiu Grupu Holtikultura Manu To’os Kuda Pateka iha Aldeia Kaikoli, Suku Maudemu, Postu Administrativu TIlomar, ne’ebe fo rezultadu servisu durante loron 60, koilleta ona pateka hun rihun ida atus rua hitu nulu.
Jornalista : Moichung
Editor : Chamot Nahac
