Covalima (RCCT) 20-10-23-Cariana Elsa Bareto Amaral hanesan feto potensial ida ne’ebédurante ne’e servisu iha Organizasaun Pradet ka fatin hakmatek Suai durante tinan 12 ona, maibe ikus mai deside husik kargu servisu iha Pradet ka fatin hakmatek Suai nudar konselleira, hakarak kompete iha eleisaun ba orgaun suku no kandata an ba xefe suku, ho objetivu hakarak dezenvolve suku no hadi’a feto maluk sira nia vida iha Suku Matai, Postu Administrativu Maukatar, Munispiu Covalima.

Kandidata Xefe Suku Matai, Cariana Elsa Bareto Amaral dehan feto prontu ona atu lidera hodi halo dezenvolvimentu hahu husi suku laran.

“Agora Ha’uservisu iha ONG Pradet fatin hakmatek Suai hanesan konselor durante tinan 12 ona ba atende kazu to’o ohin agora, atende kazu iha fatin Ha’unia servisu kona ba violensia domestika, violénsia sexual, abuzu, incestu, abandona ne’ebédurante tinan barak Ha’uservisu iha parte ida ne’e, tanba sa mak Ha’uhakarak kandidata an ba xefe suku tanba Ha’unia haree, Ha’unia hakarak bainhira haree buat barak maka la realiza ida ne’e halo Ha’upenasaran tan ne’e husi Ha’unia ser is fatin mos apoiu Ha’udehan bele kandidata an bainhira ita boot iha hakarak atu ba, ho ida ne’e jaforsa tan Ha’ukatak bele kandidata an ba suku iha Suku Matai” informa Cariana Elsa Bareto Amaral.

Cariana Elsa Bareto Amaral hanesan feto potensial ida iha Suku Matai, Postu Administrativu Maukatar, Munisípiu Covalima, kadidata hakarak sai xefe Suku tanba atu sai matan, tilun no ibun ba komunidade sira hodi apoiu no lider feto sira iha suku laran no bainhira eleitu Cariana sei tau prioridade lori bee mos besik liu ba inan no feto sira ijlui komunidade enjeral iha suku laran, Cariana mos hakarak feto no komunidade sira hotu bele asesu ho dignu ba estrada.

“Ha’u mos kandidata ba suku ida ne’e atu hodi haree no hadi’a sai matan, tilun no ibun ba povu sira atu hato’o difikuldade ne’ebé mak durante povu Suku Matai infrenta, atu sai xefe suku atu hodi haree konaba problema ruma ne’ebé durante ne’e povu infrenta, atu sai tilun hodi rona saida maka povu sira halerik, sai ibun atu hodi koalia no hato’o difikuldade tomak mak suku ida ne’e infrenta, prioridade liu haree kona ba estrada bee moos ne’ebédurante tinan barak ne’eafeta liu ba feto sira ba Kurt bee hein malu husi dader to’o kalan no husi kalan to’o fali dader la hetan bee fila ba uma, no estrada ne’ebéat husi aldeia to’o iha suku induk” nia hatutan.

Nune’e kandidata ba suku feto ida, Cariana Elsa Bareto Amaral rejista ona iha loron 13 fulan outubru foin lalais ne’e, legalizada hodi avansa kompete ho kandidatu sira seluk iha eleisaun ba orgaun suku, periudu 2023-2030 ho nia misaun atu take as kultura lisan no rai lulik iha Suku Matai no mos ho nia vizaun maka atu hamutuk hadi’a diak liu tan dezenvolvimentu iha suku Matai.

“Agora daudaun ba rejistu kandidatu suku iha loron 13 fulan outubru ne’ebérejistu ona katak Ha’urejista ona hodi kandata ba suku hodi hasoru eleisaun suku ne’ebé sei akontese iha loron 28 fulan Outobru tinan ne’e, haree ba Ha’unia misaun sei take as kultura, lisan no sasan rai lulik ne’ebé iha suku Matai laran, vizaun katak durante ne’e buat barak ne’ebé akontese maka ita hamutuk atu haree buat ne’ebéat bele bele iha suku Matai laran sai diak” nia dehan.

Nune’e Cariana kompremetida karik eleita iha eleisaun suku sei kria koperasaun di’ak ho komunidade hotu liliu ba feto maluk sira kria liña Komunikasaun ida ne’ebé di’ak hodi rona aspiration ne’ebé komunidade sira hato’o.

“Wainhira karik Ha’u liu husi xefe suku Ha’u sei kolabora di’ak ho feto maluk sira liliu ba sira ne’ebé kbi’it laiha, ba parte hotu-hotu ne’ebé iha Suku Matai laran, halo Komunikasaun di’ak, halo ligasaun di’ak, rona saida maka sira ko’alia, hato’o preokupasaun balu husi sira maib Ha’u atu hato’o ida ne’e mak Ha’u nia hakarak” nia deklara.

Molok kandidata an kompete iha eleisaun suku iha Suku Matai, Cariana Elsa Bareto Amaral kadi kapasidade hodi hatene konaba oinsa atu fo solusaun ba problema no buka dalan kria parseiru hodi halo dezenvolvimentu.

Tan ne’e kandidata xefe suku Matai ba periodu 2023-2030 deklara iha komunidade feto barak inklui veterana sira apoiu no fo motivasaun ba nia atu apoiu hodi avansa sai lideransa iha suku Matai.

“Durante ne’e iha feto maluk barak mak apoiu, bainhira Ha’u hakarak ona atu kandidata ba suku, feto barak iha aldeia 4 ne’ebé preokupa ajuda no fo motiva mai Ha’u katak labele patah semangat maibe ita bo’ot nafatin abansa ba oin ami sei ajuda, apoiu ne’e husi katuas lia na’in sira, ferik sira ho ema feto potensial sira iha suku Matai, veterana, veteranu ne’ebé fo apoiu, ida ne’e mak haforsa tan Ha’u atu kandidata ba iha Suku Matai” nia deklara.

Maske nune’e Cariana nafatin husu ba feto maluk no asiosiasaun feto inklui komunidade hotu iha suku Matai atu fo votus ba nia iha eleisaun suku ne’ebé sei akontese iha loron 28 fulan Outobru tinan ne’e.

Entertantu durante ne’e kandidata suku Matai Cariana Elsa Bareto Amaral hamutuk ho nia kaben ho oan na’in-5 kompostu husi feto 2 no mane 3 hela iha Lohorai, Suku Matai, Postu Administrativu Maukatar, Munisípiu Covalima, maibe nia oan na’in-2 daudaun ne’e hala’o hela estudu iha universitariu iha Dili.

Reportazen RCCT

Editor : Chamot Nahac