Foto : Remigia A B Tilma; Kadidatura Xefe Suku Kasabauk 2023-230

Covalima (RCCT) 29-09-23–Covalima Remigia Alves Barbosa Tilman, nudar feto Pontensia ida iha Suku Kasabauk, Postu Administrativu Tilomar, Munisipiu Covalima, ne’ebé mai ho pensamentu maduru hakarak kandidata no kompete iha Eleisaun lider komunitaria ne’ebe sei akontese iha fulan outubru tinan 2023.

Remigia Kompete iha eleisaun suku ho ideologia hakarak sai ponte hodi servi, no hatur konfiansa sai responsavelidade.

Liu husi kapasitasaun ne’ebé hetan iha tempu naruk, haforsa Remigia sai brani atu kompete iha eleisaun suku basa familia, komunidade no feto maluk sira mos enkoja nia atu sai lider feto ida nebe pontesia hodi halo mudansa iha suku kasabauk.

“Durante ne’e ha’u aprende buat barak, husi treinamentu sira hotu, nune ha’u bele fiar an atu kompete ho mane sira ba pereidu agora, ema ne’ebé apoiu ha’u premiru iha ha’u nia familia ba iha komunidade liu liu ha’u nia feto maluk sira sira mak enkoraza ha’u atu ha’u bele fiar hodi kompete ho mane sira iha tinan ida ne’e, durante ha’u moris hamotuk iha komunidade ida nia laran,moris ho ema seluk hanesan mos ha’u nia familia ho ida ne’e sira mos hare ba iha hahalok sira ne’e hotu mak suporta no motiva ha’u kandidata ba Xefe Suku ne’e,” Remigia konta

Molok kadidata an hodi kompete iha eleisaun lider komunitaria, Remigia halo ona idetifikasaun ba prolbema ne’ebé komunidade sira iha suku kasabauk infrenta durante ne’e.

“Durante ne buat barak mak hau identifika hela primeru hau hare ba problema iha suku ida ne problema nebe mak hau hare kada iha aldeia susar liu ba iha be mos ita bele dehan Estrada no mos hare ba iha ema nebe mak seidauk hetan benifisiu ba iha uma” tenik Remingia

Maske nune’e, Feto Potensia ne’e mos iha programa 8 ba nia kanditura, nune’e sei implementa durante mandatu, wainhira hetan konfiansa sai Xefe Suku Kasabauk.

“karik ha’u eleitu ba iha tinan ida ne’e, ha’u prepara iha programa 8, primeiru hare liu ba dezenvolvimentu suku bazeia ba programa preioridade aldeia ida idak, tuir fali mai tau mtan ba idozu sira ba ema ne’ebé merese atu hetan apoiu sosial sei halo di’ak liu tan, tau matan ba oan kiak sira liu liu hare konaba asesu ba bolsa da mae, pois tuir fali hakbesik ba atendimentu publiku bazeia ba nesesidade komunidade sira nian, karik sira presiza iha fatin ne’ebé deit ha’u prontu atende, tuir fali mai hametin paz, unidade no establidade iha komunidade nia let, tuir fali mai suku saudavel, iha suku saudavel ne’e ita haree liu ba iha limpeza geral tuir fali mai transparante iha ezekusaun ita hare ba orsamentu ruman iha suku, ikus liu mak hamoris atividade desportu” Kandidata Xefe Suku Kasabauk Remigia dehan sai nia programa sira.

Remigia mos iha planu seluk ne’ebé sei tau prioridade hodi halibur juventude, liu liu ba sira ne’ebé hola parte iha ogranizaun arte marsial sira hodi hatur pas no estabilidade iha suku laran.

“ita hare ba pas no unidade ida ne ita hare ba suku ida ne ita hare ba arte marsiais mos barak ne duni ita tenke halibur sira hamutuk para ita kolia ba sira dehan bele iha grupu oioin maibe ita ida deit,” Nia Dehan tan

Remigia humur Esperensia tokon ona konaba lideransa, basa durante ne’e, nia assume knar nudar delegada suku iha kasabauk durante tinan 7 nune’e enkoraza nia sai brani liu tan atu compete iha eleisaun suku tinan ida ne’e.

“tuir ha’u nia espereinsa nudar delegada tama tinan hitu atu remata dadaun ona, hau hetan esperiensia barak teb-tebes iha ne’eba, liu husi atividade sira ne’ebé mak ha’u halo nudar delegada, halo ha’u nia fiar ne’e makas teb tebes, ha’u nia feto maluk sira fo hanoin ha’u ho ida ne’e ha’u habari an bele kompete, iha ha’u nia servisu nudar delegada iha mos servisu seluk nebe hau halao, ho ida nee’ ha’u hetan esperiensia barak liu tan iha ne’eba hanesan lideransa, lider ho lideransa, ho ida ne’e ha’u bele aprende husi ne’eba hau aprende buat, konaba lider ne’e, ema ne’ebé mak sai hanesan dirigente, ba iha lideransa ema ne’ebé foti desizaun iha grupu ou komunidade.” Remigia salienta

Feto potensia, Kandidatura Xefe Suku Kasabauk periode 2023-2030 ne’e mos fundamenta nia esperensia iha organzasaun naun governamental balu hodi prepara nia kapasidade molok kandidata no compete iha eleisaun ba lideransa komunitaria, nebe sei akontese iha outubru tinan ne’e.