Diretór Jeral Formasaun Profesional no Emprego iha SEFOPE, Carlito Rosario Cabral esplika, iha planu teste ba kandidatu traballador hamotuk na’in 3.184 iha covalima ne’e sei realiza durante loron rua no mos kandidatu sira minimu tenki responde ho los ba pergunta hamotuk 25 husi pergunta 50.

“Kandidatu sira ne’ebé ohin tuir teste ne’e sira rejista liu husi sistema online iha tinan 2022 liu ba, sira aplika ida ne’e liu husi sistema online sira la presija ba Dili maibe sira iha kualker fatin ne’ebé asesu ba liña internet sira bele rejistu tanba ne’e maka ho numeru ida bo’ot iha munisipiu agora daudaun halo ona teste ba sira, para nune’e hatene sira nia koñesimentu lingua ingles ida ne’ebé para bele ita oferese karik kandidatu sira ne’e liu para bele oferese ba emprezariu empregador hodi ba servisu iha Australia, materia ne’ebé ota fo ba kandidatu sira kada ema ida hamutuk perguntas 50, husi perguntas 50 sira tenke responde nia kriteria maka ne’e minimu perguntas 25 tenke loos ne’e ita foin konsidera nia pasa maibe kuandu menus husi perguntas 25 nia la pasa” Deklara Diretór Jeral Formasaun Profesional no Emprego Carlito Rosario Cabral ba jornalista hafoin realiza teste lian ingles ba kandidatu hamutuk na’in 3.184 ne’ebé hala’o iha Eskola Sekundaria Jeral Publiku Suai.

Sekretariu Munisipal Administrasaun no Finansas Munisipiu Covalima, Alberto Moniz de Araujo, hateten Covalima pela primeiru ves realiza teste lian ingles hafoin kandidatu Covalima oan sira ne’e rejistu liu husi sistema online hahu kedas iha tinan 2022 liu ba ohin loron rezultadu hatudu joven barak maka partisipa iha teste lian ingles ida ne’ebé hala’o husi SEFOPE.

“Ohin pela primeiru ves Covalima bele realiza teste ingles ba ema hamutuk 3.184, hanesan autoridade lokal nia observa kandidatura sira ne’e iha antuasiasmu maka’as iha esperitu voluntariu atu mai tuir teste lian ingles, karik sira liu entre ema 3.000 resin ne’e liu ba futuru sira mos bele ba servisu iha rai Australia hodi bele hatama reseita ba ita nia rai doben Timor-Leste espesial liu ba Munisipiu Covalima, Sim ohin iha ha’u nia intervensaun ha’u husik hela lia menon ba kandidatura sira katak oras ida aproveita oportunidade ne’e didi’ak hodi tuir teste lian ingles ida ne’e hodi prenxe multiplikasaun ba pilihan ganda ne’e didi’ak hodi prense rekezitus bele hetan valor di’ak husi teste ida ne’e sira bele pasa hodi bele ba servisu iha Australia, husu mos ba kandidatu sira atu simu rezultadu atu pasa ka la pasa tenke simu ho konsiensia no lakon esperansa nudar Timor oan” nia husu.

Entertantu Diretór Jeral Formasaun Profesional no Emprego iha SEFOPE, Carlito Rosario Cabral, husu ba kandidatu sira atu mantein ho disiplina no labele halo barullu, tanba kandidatu sira mak naran iha lista ne’e iha direitu atu sei tuir teste.

SEFOPE mos nafatin iha konsiderasaun ba kandidatura sira mai tarde iha minutu ida ka rua atu nafatin tuir prosesu teste ida ne’e, enkuantu eskola sekundaria jeral publiku suai fornese sala hamotuk sala 23 ba SEFOPE hodi hala’o teste refere ba kandidatu sira iha Covalima ne’e.

Jornalista : Julio Salinas / Mauk Anis

Editor : Chamot Nahac