Covalima (RCCT) 12-05-21-Hafoin Ekípa Vizilansia Municipio Covalima iha tersa Feira (11-05) halo teste swab ba Guarda Prizaun sira iha Prizaun Suai, Laboratoriu Municipio Covalima detekta Kazu Positivu hamutuk Guarda Prizaun Suai neen (6) mak konfirmadu Positivu Covid-19
Nune’e wainhira halo Intervsita ho Jornalísta RCCT Diretur Servisu Saúde Municipio Covalima Filipe Perreira Lemos informa, husi total ema na’in neen (6) nebe Pozitivu Covid-19 ne’e, Na’in 4 Guardra Prozaun no Na’in 1 Diretur no 1 Seluk Adjuntu Diretur Prizaun Suai.
Tanba ne’e Guarda prizaun na’in 4 nebe Posituvu Covid-19 ne’e Transporta ona ba fatin Izolamento, na’in rua seluk iha deit Auto-Izolamento iha sira nia rezidênsia, nune’e mos ba Guarda Prizaun na’in 18 mak halo kontaktu Besik ho pasiente positivu nai’n 6 iha Prijaun Suai, badadaun ne’e halo deit Auto-Kuarentena iha sira nia hela fatin.
“ Horiseik ita nia Ekípa sira halo teste swab ba Guarda Prijaun Suai, no ita detekta Guarda Prizaun nai’n 6, nebe kompostu husi Diretor Prijaun ho nia Adjunto, no ninia membru na’in ha’at, depois sira nia membru nain 4 ita lori ba kedas Izolamento, soke Diretor ho nia Adjunto maka halo Auto-Izolamento iha sira nia rezidênsia, depois ema na’in 18 nebe maka halo kontaktu besik ho positivu ne’e ita halo Auto-Kuarentina iha sira nia hela fatin” dehan Filipe Perreira Lemos iha nia knar Fatin Kuarta Feira (12-05)
Diretur Filipe informa liu tan, maske Diretor Prijaun Suai ho nia Adjunto ne’e halo Auto-Izolamento iha nia rezidênsia, maibe labele halo kontaktu ho ema seluk no labele hetan vizitasaun husi ema ruma.
“ Sira ne’ebe maka Auto-Izolamento maibe nia bele halo servisu hanesan babain, tamba nia laos moras iha Hospital be tau soru ne lae, soke ema maka labele kontaktu no labele besik nia, depois labele vijita nia, tamba nia ” Tenik Filipe
Diretor Servisu Saúde Municipio Covalima ne’e Fundamenta, ba dadaun ne’e kazu konfirmadu ativu iha Izolamentu Suai hamutuk ema na’in 24 inklui nain rua nebe Auto-izolamento iha Prijun Suai, no ema nebe mak halo Kuarentena Kuarentina no Auto-Kuarentina hamutuk 167.
“ Dadaun ne’e Kazu konfirmadu ativu iha Izolamento ne’e hamutuk 24, ida ne’e inklui ho Diretor Prijaun ho nia Adjunto nebe maka ita halo Auto-Izolamentu iha sira nia rezidênsia ne’e, depois ba sira nebe maka agora dadaun Kuarentina no Auto-Kuarentina ne’e hamutuk 167 ” Tenik Nia
Diretor ne’e esplika, ema nebe konfirmadu Positivu Covid-19 sei kumpri mínimu loron 14 iha Izolamento, no durante loron 14 halo mak teste maka nafatin positivu sei aumento kumpri loron 30.
“Ba sira nebe maka positivu sei kumpri loron 14, se kuando iha loron 14 ne’e maka teste positive nafatin entaun tenki kumpri loron 30 tan ” Tenik Nia
Engkuanto Diretor ne’e mos Konfesa, Nia seidauk simu informasaun nebe lolos husi parte vijilansia konaba istoria viajem kona ba Guarda Prizaun sira nebe Positivu Covid-19.
No mos tuir observasaun Jornalista RCCT hatudu, hafoin Guarda Prizaun nain 6 konfirmadu ho rezultadu positivu, Ekípa Vizilansia tau kedas Linha proibidu (dada kedas Fita) hodi haleu Diretor Prijaun Suai ho nia Adjunto nia rezidênsia, tanba na’in rua ne’e halo Auto-Izolamento.
Jornalísta : Tynho Gusmão & Lito de Jesus
Editór : Chamot Nahac
