Covalima (RCCT) 09-04-25-Nonu governu konstituisional ne’ebé lideradu husi Primeiru Ministru Kay Rala Xanana Gusmao, Promete ona ba publiku katak Kadoras Tenke dada duni Mai Timor-Leste.
Lia ne’e hato’o husi Ministru Planeamentu Investimentu no Estrajiku (MPIE), Gastão Sousa iha Nia intervensazn hafoin partisipa iha sosializasaun no konsultasaun publiku ba Komunidade afetadu sira iha Postu Administrativu Zumalai, konaba projetu Tasi Mane liliu ba kontinuasaun Auto Estrada husi Zumalai, Covalima ligadu ba iha Hatudu Ainaro, Same ba to’o Natarbora, Kuarta (09/04).
“Nonu governu kompromotidu ona katak Kadoras Tenke Mai Timor-Leste, ne’e laiha tawar menawar, ne’e kompremisu governu nian maka Ida ne’e, tanba ne’e atu mai ita tenke prepara kondisaun bazikas para kadoras ne’e tenke mai, kodisoens basiku ida maka, Suai Supply Base, Ida tan maka Auto Estrada ho sira seluk tan” dehan Gastão.
Nia haktuir Primeiru Ministru Kay Rala Xanana Gusmão deklara ona iha Parlamentu Nasional katak ba ano letivu 2025, ba tinan implementasaun nian.
“Tinan ida ne’e ita nia maun bo’ot iha Parlamentu Nasional deklara katak ano de implementasaun, tanba ne’e maka durante tinan kotuk (2023) metade do ano ita nia maun ka Ministru Petroliu Rekursu no Minerais prepara buat barak tan ne’e maka ohin ita hahu oinsa atu dezenvolve kosta sul ne’e ba oin” Gastão relata.
MPIE Gastão Sousa dehan liu husi sosializasaun no konsultasaun publiku iha Zumalai ne’e atu halore ka hato’o informasaun ba komunidade afetadu sira liliu ba iha projetu Tasi Mane.
Jornalista : Julio Salinas
Editor : Chamot Nahac
