Ponte Maliloek konstrui husi governu idonesia iha tempu sira nia okupasaun iha timor leste, maibe depois hetan ukun rasik an, hahu husi primeru govenu no gorvernasuan dawalu, governu timor leste seidauk toma atensaun seriu ba kondisaun ponte Maliloek nebe kontinua tetek ai dolgen iha besi leten hodi laletek ba ema no transporte husi bele utrapasa mota mali loek.
Tanba ne’e Komuniadade Covalima konsidera governu matau dukur no hodi la hare kondisaun ponte maliloek lokaliza iha suku kamensa aldeia sanfuk nebe durante tinan 20resin halo deit ho ai.
Ho nune’e komunidade triste hare membru governu sira durante liu ba mai no hare kondisaun Ponte ne’e, maibe finji no la preokupa ho kondisaun ponte maliloek.
Kondisaun ponte maliloek grave, ne’ebe difikulta transporte liu liu kareta labele ona utra pasa husi ponte leten no obrigadu Tanki hakat liu husi mota laran.
Dadaun ne’e Komunidade sira mak halo viaze husi suai ba Beko liu ba Zumalai uza transporte hanesan motor sei bele liu kona ponte leten maske iha risku tanba ai nebe hada sai lalete ponte mali loek komesa ona dodok no lahuk maibe kareta labele ona liu husi ponte leten.
Nune komunidade sira iha Covalima nebe durante uja ponte malioek hodi halo viazen suai Zumalai, liu Komunidade Aldeia Sanfuk Suku Kamensa, Belekasak, no Labarai husu ba governu atu tau atensaun ba kondisaun ponte maliloek.
“Diputadu no Ministru sira liu kona ami nia ponte ne’e, kuitadu sira kala matan delek, lahare ponte ne’e, Ami nia Ponte ne’e at durante tinan 23 ona maibe governu seidauk tau matan ba ida ne’e, ami triste tebes” Komunidade Maria de Fatima espresa iha ponte Maliloke, Sanfuk, (29/03)
nune’e mos Komunidade utilizador Ivan Soares mos dehan “ deputadu sira, ministru sira liu ba mai husi ponte ne’e, Diputadu sira mai halo fiskalizasaun maibe fila, la koalia kona ba ponte ne’e, nai dipudatu sira, imi mak loron kalan diskuti malu lapara, maibe la koalia konaba ami nia kondisaun ida ne’e, husu governu foun ida mai ne’e tenki tau atensaun ba ponte ne’e atu ami bele liu ba mai di’ak. Agora kareta labele liu kona ne’e, motor bele liu maibe kareta hanesana bis no kareta seluk labele ona liu kona leten ne’e, udan mai mak mota tun ne’e labele liu ona iha ne’e” dehan Komunidade Ivan Soares
Relasiona ho preokupasaun komunidade nian konaba ponte Maliloek ne’e, Diretor Servisu Munisipal Obras Publiku Alberto de Jesus hatene bazea relatoriu ne’ebe MOP Covalima enkamiña ba Nasional maka iha kinta feira semana ne’e tenika manutensaun sira mai ona halo revantamentu dadus nune bele responde ba kondisaun ponte Maliloek nomos ponte Loomea ne’ebe Semper hetan ameasa atu monu iha tempu udan.
“Konaba Ponte rua, Maliloek no Loomea, ami só enkamiña deit relatóriu ba Nasional, tanba ne’e mak iha kinta ne’e ekipa tekniku manutensaun mai ona halo levatamentu dadus para atu halo atuasaun ba problema ne’e” esplika Diretor Servisu Munisipal Obras Publiku Covalima, Alberto de Jesus ba Jornalista sira iha nia knar fatin, (29/03)
Diretor ne’e dehan Maske ekipa tekniku mai halo ona levantamentu dadus ba ponte Maliloek no Loomea ne’ebé hetan estragus, maibe konaba kontinuasaun ne’e depende ba fali ba ministeriu tanba servisu munisipal laiha ekipamentu pesadu atu hodi halo manutensaun ba ponte sira ne, tanba ekipamentu hotu konsetradu iha nasional.
“ita hotu hatene ami iha Munisipiu laiha ekipamentu pezadu, ita so enkamina deit relatoriu akotesementu, tanba ne’e ami husu ba Ministeriu atu koloka ekipametu pezadu mai Munisipiu para bainhira iha akontesimentu estrada kotu ka monu karik ita bele halo intervensaun rapidu” tenik nia
Enkuantu Ponte Maliloek konstrui husi governu idonesia iha tempu sira nia okupasaun iha timor leste, maibe depois hetan ukun rasik an, hahu husi primeru govenu no gorvernasuan dawalu, governu timor leste seidauk toma atensaun seriu ba kondisaun ponte Maliloek nebe kontinua tetek ai dolgen iha besi leten hodi laletek ba ema no transporte husi bele utrapasa mota mali loek.
Reportazen RCCT
