Covalima (RCCT) 09-05-25-Komemora loron mundial livru, governu fahe livru ba estudante sira iha Eskola Baziku Sentral (EBC) Suai Loro Munisipiu Covalima hodi komemora loran Mundial Livru
Partisipa iha Komemorasaun Loron Mundial Livru ne’ebe halao iha Eskola EBC Suai loro ne’e, Sekretariu Estadu Dezenvolvimentu Lokal (SEDL) Mateus dos Santos Talo husu ba Manorin Na’in sira atu enkoraja estudante lee livru hodi eleva sira nia abilidade no mentalidade hodi hetan futuru ida ne’ebé di’ak iha future.
“Estudante barak maka la dun ativa lee livru, entaun ho loron ida ohin ho ha’u nia presensa ho diretór Jerais ne’ebé mak akompaña ha’u mai iha ne’e no diretór servisu munisipais edukasaun ninian mos mai iha ne’e no diretór eskola. Husu ba professor sira atu enkorajae ita nia oan sira ne’e ativa iha lee livru sira ho material sira ne’ebé barak iha ne’e liliu ba matematika, siensia naturais no siensias sosiais, materia basika ne’ebé mak fo ba sira no livru ne’ebé mak iha halo sira tenki aprende makas no estuda makas” SEDL Dehan.
Diretór Eskola EBC Suai Loro, Fernando Antonio, apresia ba Governu ne’ebé liu husi Sekretariu Estadu Dezenvolvimentu Lokal Identifika Eskola EBC Suai Loro sai fatin ba Komemorasaun Loron Mundial Livru no mos atribui Livru Ho Tema “Hau Nia Tasi, Hau Nia Timor” Ba Estudante sira iha EBC Suai Loro.
“Ha’u senti kontenti tebes tanba ho atividade ida hanesan ne’e ita bele fo livru ba estudante sira para atu ativu di’ak liu lee, Iha atividade ida hanesan ne’e fo neon ba professor sira para orienta ami nia oan sira para atu lee livru. Tanba durante ne’e sira barak mak lee no barak la le’e livru,” Fernando Antonio.
Entretantu iha atividade Komemorasaun Loron Mundial Livru ne’ebé hala’o iha eskola EBC Suai Loro Munisipiu Covalima ne’e hetan mos partisipasaun husi Sekretariu Estadu Dezenvolvimentu Lokal, Autoridade Lokal, Profesores no estudantes inklui entidades sira iha Covalima
Jornalista : Alfredo Barreto
Editor : Chamot Nahac
