Covalima (RCCT) 02-05-2025-Governu liu husi Sekretariu Estadu kooperativa hamutuk ho autoridade iha Covalima kontinua hala’o lansamentu ba kolleta batar bafo Kay Rala iha to’os hamotuk hektares 3,35, ne’ebé lokaliza iha Aldeia Sadahur, Suku Fohorem, Postu Administrativu Fohorem. Munisipiu Covalima.
Maibe kamponeza sira kestiona maske hetan rezultadu kolleta di’ak maibe laiha armazen ba sira atu utiliza hodi rai sira nia produtu.
“Ohin loron ita hahu halo ona kolleta bafo kuaze hektares 3 resin iha fatin ida ne’e, ami hanoin katak ami nia bafo ne’e hatudu rezuktadu di’ak maibe agora ho kondisaun udan no kondisaun do’ok, ne’ebé ba ami nia preokupasaun liliu konaba armajen ba ami laiha ida ne’e maka ami nia preokupasaun” To’os Na’in Januario Amaral ba RCCT iha Sadahur Sesta (02.05), informa
Januario konsidera governu liu husi SEKoop halo diskriminasaun ba to’os na’in entre hela iha rai tetuk no iha rai lolon.
“Ami nia lokasi kamponeze konaba to’os na’in iha hektares 3,35, maibe ho ami preokupasaun iha kamponezes nian preokupa konaba ema ka to’os na’in sira iha rai tetuk sira fasilita ho trator ne’ebé kaer ho liman ho fundus ne’ebé gratuita, maibe ba ami to’os na’in foho oan atende ami ba fundus ne’e laiha ate agora bafo ne’ebé nia rezultadu iha ona maibe to’o agora ami nia osan lere nian mos laiha mais halo nusa atende ba ami iha to’os laran” nia esplika.
Tan ne’e to’os na’in sira husu ba governu liliu ba Sekretaria Estadu Kooperativa atu trata hanesan kamponeza sira iha rai tetun no ho hela iha foho hanesan ho apoiu buat ruma nune’e labele hamosu diskriminasaun entre iha to’os na’in sira.
Enkuantu serimonia lansamentu Kolleta Batar Kay Rala iha Postu Administrativu Fohorem, Aldeia Sadahur/ Tulakoli total rai hektares 3,35, lansamentu ne’e hala’o husi Diretór Jeral Sekretaria Estadu Kooperativa (SEKoop), partisipa mos husi reprezentante MAP Munisipiu Covalima, repzenta autoridade Munisipiu no hetan partisipasaun masimu husi Administrador Postu Administrativu Fohorem, Xefe Suku Fohorem, Relijioza sira inklui komunidade.
Jornalista : Julio Salinas
Editor : Chamot Nahac
