Covalima (RCCT) 26-09-23–Governu Indonésia liu husi ninia Emabaixada iha Timor Leste ou KBRI fasilita formasaun lingua Indonésia ba manorin na’in sira inklui hala’o sosializasaun programa bolsu estudu ba estudante sira iha Eskola Sekundaria Jeral Publika (ESGP) Suai.

Embaixador Indonésia ba Timor Leste Ikhfan Haris, hatete formasaun ba manorin na’in sira kona ba lingua Indonésia nian atu uza bainhira hanoin estudante sira iha eskola, alende ida ne’e mos sosializa informasaun konaba bolsu estudu husi governu Indonésia ba estudante Finalista nivel sekundaria.

“Ami husi KBRI Dili fo obrigadu ba edukasaun Munisipiu Covalima tanba ho prezensa ami nian ba ohin ne’e ho atividades rua ida maka fo formasaun ba manorin na’in sira no atividades ida seluk maka sosializa informasaun ba estudante sira kona ba bolsa estudu” nia dehan

Reprezentante Servisu Edukasaun Munisipiu Covalima, Walter Laka haktuir, bolsu estudu husi Indonésia ne’e fo prioridade Estudante Nivel sekundaria iha Timor Leste inklui Covalima, tan ba ne’e estudante maka remata ona husi eskola sekundaria, bele kompete hodi hetan asesu nune’e bele kontinua estudu iha nivel universitariu iha Indonésia

“Informasaun bolsu estudu ba universidade hira ne’ebé prepara ona iha Indonésia ne’e loke ba Timor Leste inklui Covalima, se mak hakarak kontinua estudu ba universidade iha Indonésia nia bele compete liu husi prosesu normal ida atu bele kompete iha ne’eba liu hodi ba eskola iha Indonésia ” nia dehan.

Entertantu formasaun ba manorin na’in no sosializa informasaun ba estudante sira ne’e hala’o iha salaun eskola sekundaria jeral publiku Suai, enkuantu formasaun ne’e foku liu ba manorin sira iha eskola sekundaria jeral publiku Suai ne’ebé durante hanorin materi lian Melaiyu baestudante sira iha eskola refere, no sosializasaun informasaun bolsa estudu ne’e foka liu ba iha estudante terseira klasse ne’ebé hein atu finaliza sira nia estudu.