COVALIMA—–Governu liu husi Ministeriru Turismu Comersiu no Indústria, sabadu (25/02) finde semana ne’e hala‘o ona inagurasaun ba edifisiu foun sentru Soru Tais nian iha Suku Suai-Loro, Postu Administrativu Suai, Munisípiu Covalima.
Ministru Turizmu Komérsiu no Indústria, José Lucas do Carmo da Silva, iha nia intervensaun hateten infraestrutura bazika sira hanesan ne’e hola parte importante esensial ida ba iha planu dezenvolvimentu nasional.
“Hau hakarak atu dehan ba ita hotu katak infraestrutura baziku sira hanesan ne’e hola parte importante esensial ida ba iha planu dezenvolvimentu nasional, nune’e mos hakarak atu dehan iha oitavu governu konstituisional ne’e rasik MTCI hetan responsabilidade ida atu dezenvolve setor produtivu sira mak hanesan setor turismu, komersiu no setor industria” informa Ministru Turizmu Komérsiu no Indústria, José Lucas do Carmo da Silva, hato’o iha nia diskursu.
Ministru Turizmu Komérsiu no Indústria, José Lucas do Carmo da Silva, haktuir partikularmente ohin hotu-hotu sai sasin ba inagurasaun sentru tais ba dahuluk ninian iha Suku Suai-Loro, Munisípiu Covalima, ida ne’e politika ida ne’ebe oitavu governu konstituisional halo oinsa atu divertifika setor produtivu sira, setor produtivu husi turismu ninian, maluk artezenatu sira nia kreatividade presiza tebes governu atu trasa politika hodi halo ida ne’e.
“Infraestrutura baziku sira hanesan ne’e hamosu sentru soru tais iha Suku Suai-Loro parte importante ida husi programa governu nian oinsa atu fasilita inan feton no maun alin sira ne’ebe habiban an iha setor artezenatu, setor soru tais nian atividade sira ne’e presiza tebes governu iha ita boot sira sorin hodi hamosu fasilidade sira hanesan ne’e hodi fasilita ita boot sira nia kreatividade” nia informa.
Ministru Turizmu Komérsiu no Indústria, José Lucas do Carmo da Silva, hateten maske iha politika barbarak maube la suporta ho fasilidade sira hanesan ne’e, infraestrutura baziku sira hanesan ne’e mak sei la atinje objetivu sira ne’ebe trasa ona, tanba sa laiha fasilidade hodi hala’o atividade sira hanesan ne’e.
Ba ida ne’e oitavu governu konstituisional liu husi programa sira ne’e liu husi MTCI, liu husi diresaun jeral turismu ninian hamosu atividade no identifika importansia ba fatin ida ne’e nian.
“Ho ida ne’e ita hotu nia esperansa katak ho fasilidade sira ne’e ita boot sira sei organiza malu diak liu tan, fasilidade ida ne’e harii lais ba deit komunidade iha Suku Suai-Loro maibe ba komunidade hotu iha Munisipiu Covalima ne’ebe iha kreatividade ba tais” nia dehan.
Ministru José Lucas do Carmo da Silva husu autoridade Covalima tau matan ba fasilidade ida ne’e no husu atu jere didiak atu nune’e hotu-hotu nia interese bele akomoda iha fasilidade ida ne’e, husu mos ba grupu sira ne’ebe hola parte iha ne’e tenke organiza didiak para bele hola parte ih fatin ida ne’e hodi MTCI ninia programa ne’e sei nafatin halo promosaun ba fatin ida ne’e, sei lori ita boot sira nia produtu ba iha nivel nasional no mos ba to’o nivel internasional.
Administrador Munisípiu Covalima Francisco de Andrade, dehan ho harii sentru soru tais ida ne’e ho nia objetivu klaru loloos ba komunidade Suai-Loro bele fa’an tais ne’ebe durante ne’e produs barak ona nunka fa’an ba iha Dili.
“Harii sentru tais ida ne’e ho nia objetivu klaru tebes katak depois iha inagurasaun komunidade Suai-Loro bele faan ita boot sira nia tais ne’ebe ema dehan liman badaen makerek sira liliu husi ita nia inan feton sira ne’ebe oras ne’e produs imi tais sira ne’ebe nunka mais lori ba iha Dili, maibe agora daudauk ita iha ona fatin atu nune’e aban bainrua ita boot sira bele fa’an ita nia tais iha fatin ida ne’e” informa Administrador Munisípiu Covalima.
“Iha biban ida ne’e mos hakarak hato’o ba ita hotu iha fatin ida ne’e katak edifisiu ida ne’e inagira hotu tiha mos siea husi fatin seluk mos bele lori sira nia produtu tais ne’e mai tau hotu iha ne’e, atu nune’e produtu iha Covalima ne’e bele naran Morin iha nasional nomos iha bele ba iha internasional” administrador hateten.(Azu)
