COVALIMA—-Ministru Obras Públika, Abel da Silva Pires, hatete oitavu governu liu husi Ministeriu Obras Públika (MOP) hahu halo ona tenderizasaun ba kompañia sira oinsa atu bele halo dezeñu ba estrada nasional liliu iha lina fronteira hahu husi Bobonaro mai Covalima.
“Estrada sira ne’ebe oras ne’e ladiak maibe ita tenta hela atu hadi’a, parte estrada nian agora daudaun tama ona tender atu hadiak estrada ne’e laos deit husi Fatululik parte kotuk mauibe husi kedas Munisipiu Bobonaro mai Altu Lebos, Altu Lebos mai Aitoun liu ba Suku Dato Rua, Fohorem, Dato Rua sei.liu ba Fatumea tun ba fali Tilomar ne’e tama estrada nasional, agora daudauk kompañia iha ona ne’ebe manan tenderizasaun ba halo dezeñu, estrada husi fali Tilomar ba fali Fohorem vila mai fali Suku Dato Rua liu ba Laktos, Laktos tun ba fali Suku Dato Tolu mai falo Fatu-Loro Fatululik, ne’e kuandu dezeñu hotu ita ba tender, kuandu tende hotu rai oan ne’e furak ona” informa Ministru Obras Públika, Abel da Silva Pires, iha nia deskursu hafoin hala’o lansamentu ba Tore foun COO17 Telemor iha Covalima ne’ebe hala’o iha Aldeia Aitoun, Suku Fatululik Sesta (10/03).
Abel afirma katak hanesan Ministru Obras Públika promete iha loron ida ita nia fatin ne’e sei kaber, iha husi fatin Foho Taroman parte oin no mos foho Taroman parte kotuk hateke ba fronteira ho Indonezia.
“Tanba sa mak ita esfosu lalais atu resolve kedas estrada ida ne’e, tinan kotuk kuandu hau foti responsabilidade ida ne’e, tanba simu fiar hisi ita nia nai Primeiru Ministru Taur Matan Ruak, lia fuan ne’ebe maka ita nia PM hameno maka atu haree didiak ba estrada ne’e tanba importante liu ba ita nia inan aman sira, tan ne’e check kedas kona-ba dezeñu laiha ita inisia kedas prosesu atu halo dezeñu, dezeñu ne’e sei han tempu uitoan hau nia inan aman sira, maibe naran katak ita hahu ona prosesu atu hadi’a” nia dehan.
Membru givernante ne’e afirma dezeñu sei dauk iha ne’e imposivel atu ko’alia kona-ba bainhira maka atu hadi’a, ninia prosesu maKa kleur duni mas ida ne’e importante atu mantein disiplina atu gasta tan osan ne’e ho didiak, ne’ebe loron ida kuandu dezeñu ne’e hotu sei hakat ba iha tenderizasaun, kuandu tender hotu MOP rasik mak sei mai lansa kuandu eleisaun iha fulan Maiu mai ne’e Fatululik oan ne’e sei nafatin sai Ministru Obras Públik.
Xefe Suku Fatululik Carlos Mendonca, dehan koalia kona-ba estrada ne’e programa governu nian ne’ebe nudar lider komunitaria akompaña deit kuandu iha tinan ida ka rua laiha rezultadu maka foin halo proposta hodi hasae ba iha ministeriu.
“Ita ko’alia kona-ba kondisaun estrada iha Fatululik ladiak maibe ida ne’e programa governu nian, proposta ba iha estrada ne’e programa governu nian ne’e planu husi governu katak planu ne’e to’o iha ne’ebe ona akompaña deit, ita hein tan tinan ida ka rua laiha rezultadu buka meus halo nusa maka ami halo proposta hatama ba iha MOP hodi husu dehan bainhira loos maka atu hadi’a estrada ne’e” nia dehan.(Azu).
