ba Jornalista Sira, Komadante Autoridade Protesaun Civil Munisipiu Covalima Flavio dos Santos Mendes hatete, familia vitima sira ne’ebé hetan ona material rekoperasaun no orsamentu mão de obra atu hodi konstrui fali vitima sira nia uma hafoin hetan dezastre iha tinan ida ne’e nia laran.
“Benefisariu sira ne’ebé ohin simu material rekoperasaun no orsamentu mão de obra ne’e atu konstrui fila fali sira nia uma hela fatin hamutuk ne’ebé estraga hafoin mosu dezastre iha Covalima durante tinan ida ne’e nia laran. ida ne’e kategoria ba iha at kman, at naton no at grave” Komadante Autoridade Protesaun Civil Munisipiu Covalima Flavio dos Santos Mendes ba jornalista sira.
Nia haktuir, vitima dezastre sira ne’e simu ona Apoiu Emerjensia imediatamente iha ambito akontese dezastre ne’e.
Nia mos dehan tuir dadus ne’ebé APC rejista vitima dezastre natural iha Covalima, tinan 2023 hamotuk 957 husi numeru ne’e maioria vitima ba inundasaun, no dadaun ne’e apoiu emejensia no material konstrusaun ne’e ba ona vitima 168 inklui Vitima sira husi Postu Administrativu hitu. Fazeadamente Apoiu uluk ba iha vitima hamotuk 38 husi PA lima (Fatumea, Tilomar, Maukatar, Fatululik no Suai) no aban Tersa (19/09) sei kontinua distribui osan mão de Obra familia Vitima husi Postu Administrativu Zumalai no Fohorem, hamotuk xefe familia 75 kada familia vitima hetan osan $ 1.000, Tanba antes ne’e Vitima simu ona material konstrusaun.
Engkuantu vitima dezastre natural ne’ebé simu ona material konstrusaun iha tinan 2022 liu ba ne’e balu maka harii ona uma no tuir avaaluasaun ne’ebé APC, iha konstrusaun uma balu la’o ona ho pursentu 100 maibe balu sei la’o neneik.
Iha nia deskursu molok distribui material rekoperasaun ba vitima dezastre sira iha kampu futebol ladi ne’e, Sekretariu Munisipiu Covalima, Francisco de Jesus Alves, haktuir vitima dezastre naturais sira merese duni atu hetan apoiu husi governu, maibe husu ba vitima sira atu simu ona material konstrusaun uma, tenke lori ba halo duni uma labele fa’an no fo impresta ba maluk sira seluk.
“Governu liu husi Sekretariu Estadu Protesaun Civil mai iha autroridade protesaun Civil Covalima hamutuk ho Servisu Munisipal Jestaun Dezastre halo identifikasaun no ita boot sira merese duni atu bele hetan apoiu husi governu ida ne’e, tuir dadus ne’ebé ohin hato’o katak 168 familia no primeiru faze ninian iha postu lima mak xefe familia 38 mak ohun bele hetan apoiu ba ohin loron ida ne’e” nia informa.
Entertantu APC distribui material rekoperasaun no osan mão de obra ba familia vitima hamotuk Xefe Familia hat nulu resin walu (38) husi PA lima (Fatumea, Tilomar, Maukatar, Fatululik no Suai) ne’e hala’o iha Kampu Futeboll Ladi Kamanasa Suai, hafoin Benefisiariu sira halo deslokasaun ba ida idak nia hela fatin ho osan transporte kada familia vitima $150 ne’ebé APC aloka hodi transporta material konstrusaun ne’e.
Jornalista : JS
Editor : CN
