 |
| Letratu : Administrador Postu Administrativu Fatumea Geraldo Orleans |
Covalima (RCCT) 28-07-23–Administrador Postu Administrativu Fatumea Geraldo Orleans, komsidera governu harii postu integradu iha Fatumea, Anin Matan ne’ebé besik liu ba Area fronteira Belu Indonesia bele kotribui hodi hamenus movimetasaun no esportasaun illegal.
Tanba Autoridade Postu Administrativu ne’e husi ba governu dasia atu estabelese postu fronteira integradu no merkadu fronteira iha Fatumea hodi fo moris ba komunidade sira liu husi fasil atu hetan nesesidade basiku hodi sustenta moris loron no bele hatama osan kofre estadu.
“Dalan ne’ebé maka atu asesu ba ita nia Munisipiu Covalima ne’e dook maibe besik liu ho fronteira liliu ho Kabupaten Belu tan ne’e ami husu ba governu liliu atu bele tau matan ba povu Fatumea, tau postu integradu ida iha Anin Matan ne’ebé oras ne’e daudaun iha ona Postu UPF ida iha ne’eba, ida ne’e ami ejiji tanba ita bandu komunidade labele hala’o atividade illegal maibe tanba distansia entre Fatumea ba Suai dook no ba Atambua Belu besik liu no nesesidade obriga komunidade tenke hala’o atividades illegal ida ne’e” nia dehan.
Nia dehan ho estabelese postu intregradu no loke merkadu fronteira iha fatumea, maka komunidade sira la halo ona negosiasaun illegal hodi sosa no faan sira nia protudu lokal nebe sira iha.
“Durante laiha postu integradu iha Fatumea, sei dauk iha merkadu fronteira entaun ita sosa naok Indonezia nian mak hanesan it aba sosa mina goreng, sosa sira nia masin, masin midar buat sira ne’e tan ne’e ita ejiji ba atu tau matan hodi loke netik dalan legal ida tanba povu nia nesesidade boot maibe atu atinje ninia nesesidade ne’e la to’o tanba distansia, agora daudaun husi Fatumea ba Suai ho distansia kilometro 40 resin depois kondisaun Estrada mos ladiak kuandu aluga transporte mos ninia ne’e as tan ne’e kuandu estadu hadomi duni povu Fatumea bele harii buat sira ne’ebé ami ejiji ne’e” nia dehan.
Nune mos xefe suku belulik leten, Quintino Jose Amaral dehan, governu la estabele postu integradu no loke merkadu iha fronteira fatumea mak komunidade sira nafatin halo movimetasaun no transasaun ba nesisesidade baziku liu husi illegal.
Tanba nia mos husu ba governu atu hari postu inegradu no loke merkadu iha rai kladik fatumea hodi limita no redus populasaun sira komete aktu illegal iha linha fronteira.
“Bainhira maka postu integradu la implementa iha postu administrative ida ne’e komunidade sira nafatin kontinua hala’o movimentu liu husi dalan illegal ida ne’e liliu ba povu Fatumea” nia dehan.
Entertantu durante ne’e, kondisaun Estrada ligasaun fatumea, tilomar mai suai capital munisipiu Covalima at fo impaktu makas ba komunidade sira atu halo movimetasaun liu husi dalan illegal iha fatumea hodi hetan nesesidade basiku ba sustenta sira nia moris loro loron.
Jornalista : JS
Editor : CN
