Covalima (RCCT) 09-04-25- Ministru Planeamentu Investimentu no Estrajiku (MPIE), Gastão Francisco Sousa, hatete, politika Nonu Governu konstitusional, ne’ebé lidera husi Primeiru Ministru Kay Rala Xanana Gusmão tau prioridade ba grande investimentu nune’e bele hatama retornu.
Governante ne’e relata iha mandatu Oitavu Governu halo ona impretimu barak.
“Iha oitavu governu konstituisional ita halo imprestimu barak maibe portuladu dehan katak ita servisu fiskal ita nia osan atu mohu dadauk ona, tan ne’e nonu governu dehan katak nia politiku di’ak tenke investe ba area ne’ebé ke fo retornu bo’ot mai Timor, maka setor estratejika Petroliu ho minarai, tanba ida ne’e maka governu ida ne’e fo atensaun bo’ot tebes setor ida ne’e, tan ne’e maka ohin Ita bele hamutuk iha ne’e atu tekniku Sira bele esplika Mai Ita Saida naka sei halo iha tinan Ida ne’e ba oin” dehan Ministru Planeamentu Investimentu no Estrajiku (MPIE), Gastao Sousa,ba Komunidade Sira iha Zumalai
Ministru Planeamentu Investimentu no Estrajiku (MPIE), Gastão Francisco Sousa, husu ba Komunidade Zumalai liliu ba Sira ne’ebé sai afetadu sira atu unidu hodi hala’o dezenvolvimentu.
“Iha dezenvolvimentu ita tenke ida, lalika ba hare kor partidu A ka B, lalika ba hare, ha’u metan ka mutin, lalika hare, ha’u musulumanu ka katilika ka protestan, maibe ita Timor ida deit, Mai ia fo liman ba malu para dezenvolve Rai Ida ne’e ba oin, liliu ohin ita iha ne’e atu hare ba konstrusaun auto estrada ho Suai Supply Base ne’ebé benefisiu benefisiu ba Timor oan tomak” informa Ministru Planeamentu Investimentu no Estrajiku (MPIE), Gastão Francisco Sousa.
Ministru Planeamentu Investimentu no Estrajiku (MPIE), Gastão Sousa dehan lia ne’e hafoin partisipa iha sosializasaun no konsultasaun publiku ba Komunidade afetadu sira iha Postu Administrativu Zumalai, konaba projetu Tasi Mane liliu kontinuasaun ba konstrusaun Auto Estrada husi Zumalai, Covalima ligadu ba iha Hatudu Ainaro, Same ba to’o Natarbora, Kuarta (09/04).
Jornalista : Julio Salinas
Editor : Chamot Nahac
