Covalima (RCCT) 20-03-25-APC Nasional Sentru Formasaun Protesaun Sivil kapasita membru korpu Bombeiru no no Atoridade Protesaun Sivil (APC) iha Covalima konaba Risku Dezastre no Primeiru Intervensaun Kontra Insendiu no mos ba Primeiru sokorru.
Xefe Komisaun Sientifiku no Pedagoziku Iha Sentru Formasaun Autoridade Protesaun Sivil Julito Maia hatete kapasitasaun ba Funsionariu Protesaun Sivil ho Korpu Bombeiru no Jestaun Dezastre Munisipal ne’e atu hasa’e sira nia kuñesimentu hodi hadi’ak liu tan prestasaun servisu iha terenu.
“Ita pereija tebes iha kapasitasaun, ita nia atendimentu durante ne’e la’o di’ak hela maibe ita persija liu tan atu bele halo kompleta malu no fahe esprensia ba malu tanba dala ruma iha parte balu ita nia kolega balu sei menus informasaun no menus kuñesimentu ba iha asuntu balun, entaun aproveita ho ita fo formasaun ne’e no oinsa para ita bele fahe esperensia ba malu no halo kompleta ba malu para atu bele hadia’k liu tan karik buat balu mak ita ladun komprende no ladun apar iha buat balu ita bele halo kompleta hodi bele hatan ba ita nia komunidade sira” Xefe Komisaun Sientifiku I Pedagoziku Iha Sentru Formasaun Autoridade Protesaun Civil Julito Maia, hatete.
Komandante Korpu Bombeiru Covalima, Noti de Jesus, konsidera formasaun importante hodi eleva kapasidade iha area primeiru sokorru .
“Klarumente persija duni formasaun hodi nune’e bele eleva kapasidade ba APC ho korpu Bombeiru, importante tanba wainhira tun iha fatin akontesimentu, liliu ba desatre naturais, kombate insendiu ruma no sokorru no fragu ruma entaun presiza duni primeiru sokorru antes ita transforma ba ospital, tanba pesoal sira tun ba ne’e sira tenki iha kapasidade ida ba primeiru Socorro, entermos fo sokorru ba ema seluk maibe importante mos salva sira an rasik tanba hanesan ema buat ida desastre ne’e ita la espera se kuandu akontese ona ne’e ita persija duni primeiru socorru,” Komandante Korpu Bombeiru Covalima, Noti de Jesus,dehan.
Entretantu formasaun ba Funsionariu Protesaun Sivil, Korpu Bombeiru no mos funsionariu Servisu Muninisipal Jestau Dezastre ne’e hala’o iha salaun CVTL Filial Covalima, durante Loron lima hahu Segunda feira loron 17 to’o sexta feira loron 21 fulan marsu.
Jornalista : Alfredo Barreto
Editor : Chamot Nahac
