Covalima (RCCT) 22-05-25-Fulan maiu tinan 2025, sai hanesn fulan ida ne’ebé lori tristeza bo’ot ba Kamndo Polisia Nasional Timor-Leste (PNTL) Munisipiu Covalima, basa kesi lutu metan ba tan lakon membru polisia na’in-2.
Membru polisia na’in rua ne’ebé fila hikas ona ba aman maroman nia kadunan santu maka hanesan Inspetor Asistente Polisia, Clementinho Soares no Inspetor Asistente Polisia, Carlindo do Nascimento.
“Komando ida ne’e nia lakon ninia membru di’ak na’in-2, ida inspetor asistente Clementinho Soares ne’ebé foin hakoi iha loron 15 semana kotuk no ita hakoi fila fali nia kolega Inspetor Asistente Carlindo do Nascimento, ita lakon ema di’ak na’in-2 iha komando ida ne’e” informa Komandante Operasaun Munisipiu Covalima, Superientendente Asistente Polisia, Joaquim da Costa, hafoin reprezenta Komandante Munisipiu hodi halo’ot maktoban Inspetor Asistente Carlindo do Nascimento iha Semiteriu Hobelis. (18/05)
Superientendente Asistente Polisia, Joaquim da Costa, haktuir komando Munisipiu Covalima sente triste tanba sei persija Matoban Na’in rua ninia kontribuisaun hodi servisu iha komandu munisipiu Covalima, maibe kontrariu ho planu maromak nian.
“Komando sente preokupa, triste ho atividades ne’ebé sei presija ninia prezensa, ninia kontribui, ninia atendimentu ba iha komunidade barak ne’ebé presija, maibe tanba situasaun, ita nia vida moris maka hanesan ne’e bainhira morak bolu ona simu ho liman rua” nia hatete.
Komandante Operasaun Munisipiu Covalima, reprezenta komando PNTL husu perdaun ba komunidade hotu iha Covalima karik durante hala’o knar Saudoso na’in rua, halo atetudi balu mak la monu ba ema hotu nia laran.
Jornalista : Julio Salinas
Editor : Chamot Nahac
