Covalima (RCCT) 23-04-23, Sekretaria Jeral Partidu FRETILIN, Mari Alkatiri, kompromete iha kampana eleitoral ba datoluk iha Kampu Ladi Camanasa, Munisipiu Covalima deklara katak bainhira iha eleisaun parlamentar 2023 povu fo fiar hodi ba kaer governu sei hadi’a sistema edukasaun no saude ne’ebe durante ne’e lao sei sabaraut.

“Sitema edukasaun husi kraik ba to’o universidade bele iha kualidade la akontese ohin loron, tanba la akontese ohin loron maka ita hasoru problema barak, maibe kuandu ita iha kapasidade atu hadi’a sistema edukasaun hasai kuadrus bar-barak, ema matenek bar-barak, ita tenke iha apoiu politika ida atu harii kampu serbisu ba sira, define programa ida hodi harii kampu traballu ba ema hotu-hotu iha area oi-oin maibe laiha agora” informa Sekretaria Jeral Partidu FRETILIN, Mari Alkatiri, ba militantes no simpatizante sira iha kampu Ladi, Domingu (23/04).

Alkatiri haktuir ema barak estuda maibe serbisu laiha, laos governu lori ema ba butuk hotu iha ministeriu, maibe ministeriu mesak deit la halo dezenvolvimentu, maibe tenke iha kapasidade loke kampu serbisu ba Timor oan sira.

Alkatiri dehan sistema seluk presija atu hadi’a maka sistema saúde, tanba iha ona professionais saude barak tebes ho kapasidade mais laiha kondisaun atu serbisu.

“Ita iha ona professionais saude barak tebes ho kapasidade atu serbisu maibe laiha kondisaun atu bele serbisu ho didiak, ita iha ona espesialista balu haruka ba iha fatin hotu-hotu maibe laiha ekipamentu ba sira atu bele uza hodi hala’o serbisu ho sira nia kapasidade ne’e signifika governu ida la hatene saida naka nia halo” nia hateten.

Nia dehan kuandu FRETILIN ba kaer ukun sei tau sistema saude ida ke diak, maibe siatema diak ne’e tenke iha sistema integradu, profisionais saude, ekipamentu ba diagnostiku, ekipamentu ba tratamentu klaru aimoruk tenke iha.

“Sistema saude ida ke diak tenke hahu uluk ho hadook ema husi moras, laos trata deit ema bainhira moras ne’e maka 9hin loron laiha, ita iha professionais para atu halo buat sira ne’e, maibe profesionais laiha kondisaun sira labele halo buat ida, laihq bee moos, laiha saneamentu bele halo ema hotu hetan moras, Alkatiri haktuir.

Alkatiri afirma buat sira ne’e atu lao diak tenke hahu husi politika governu ka estadu, para atu harii kondisaun buat sira ne’e hotu tenke uluk estadu, estadu hanesan instituisaun boot liu iha rai hotu-hotu, estadu tenke funsiona tuir konstituosaun no tuir lei, estadu ida tenke dinamigu, estadu ida hatene aprova lei mais para ezekuta, bainhira parlamentu aprova lei tenke hatene katak governu iha kapasidade atu ezekuta.(JS)