Covalima (RCCT) 16-02-23–Estudante sira iha eskola sekundaria jeral publiku suai, realiza tan eleisaun hodi hili konsellu estudante foun ba ano letivu 2023.
Kompote iha eleisaun ne’e mak hamotuk estudante nain 4 idak idak ho nia pakote, Maibe pasa iha eleisaun ne’e mak estudante Francisco Amaral ho total 98, Jose Lemos hetan votu 86 adolfo arkansu oky mau hetan votu 50, Luis Noronha hetan votu 5, nune’e Francisco Amaral mak sai Konsellu estudantil iha ESGP Suai ba periode 2023.
Hafoin hetan vitoria sai nudar konsellu estudante, Fransico Amaral manifesta pensamentu no kongratula konfiansa nebe mak estudante sira fo ba nia asume resposavel.
“agradese ba imi hotu ne’ebe fo fiar mai ami, ha’u atu dehan deit katak ami mesak labele, maibe ita hamotuk bele tane as dignidade ESGP Suai no ita hamotuk bele Prganiza atividade barak iha eskola ne’e” Katak Francisco Amaral
Adjuntu Diretór Eskola Sekundaria Jeral Publiku Suai dezafia konsellu estudante foun atu toma responsavelidade hodi garantia dignididade eskola hodi hatur kualidade edukasaun iha ESGP Suai.
“ha’u hakarak imi hotu tenki toma responsabelidade ho garantia dignidade eskola nian, imi tenki hatur kualidade edukasaun iha eskola ida ne’e” Adjuntu Diretor ESGP Suai, Abel Sarmento dehan.
Entretantu estudante sira ne’ebe partisipa iha Eleisaun ba konsellu estudante iha eskola sekundaria jeral publiku suai ne’e ne’e mai husi reprentante kada turma inklui mos estudante sira husi eskola parallela rua Sanfuk no Salele.
Jornalista Moises Madeira/Jefry RastaQ
Editor : Chamot Nahac
