Francisco de Andrade “ Xefe Aldeia la Marka Prezensa iha Lansamentu Kuda Ai Mahoni, Xefe Suco Tenki Halo Relatorio”

Covalima (RCCT) -16-04-21 Quinta-Feira (15-04-21) hafoin Centro Comunidade Covalima ho Autoridade Seguransa no Parseiru sira, inklui Administrador Municipio Covalima Francisco de Andrade halo abertura ba Lansamento Fini kuda-Ai Mahuni iha Suco Lalawa Posto Administrativu Tilomar, Francisco de Andrade haruka Xefe Suco Lalawa atu halo relatorio ba Municipio, liga Xefe Aldeia Sira iha Lalawa la marka Prezensa iha Lansamentu Kuda Ai Oan (Mahoni).

 “ Ohin loron ha’u ho Komandante ho Diretor sira mai iha ne’e, Xefe Aldeia sira iha ne’e ida mos la iha, depois ha’u husu Xefe Suco ho Administrador Posto iha ne’e, atu halo relatorio ba iha neba,tanba Lori Kargu Xefe Aldeia ne’e Laiha Ema ida mak obriga, no Sai Xefe Aldeia ne’e atu Servi Povu iha Posto no Nasaun ida ne’e.” Dehan Administrador Municipio Covalima.

Iha Diskusaun Orsamento Jeral 2021 Parlamento Nasional Disidi aumenta tan ka Hasa’e  Salario ba Xefe Suco no Xefe Aldeia sira, tanba ne’e Administrador Municipio ne’e nafatin husu ba Xefe Aldeia no Xefe Suco sira, atu ukun labele sai Liurai maibe tenke sai atan ba Povu.

“ Diskusaun ba Orsamento 2021 iha  neba  iha neba katak imi Xefe Suco ho Xefe Aldeia nia salariu sei aumenta, imi hakarak simu osan ho grasa deit, nebe ha’u husu ba imi ukun agora la’os atu sai  Liurai, maibe tenke sai atan ba komunidade sira, Exemplo hanesan Desastre Naturais foin dadauk ne’e, lolos Xefe no Xefe Aldeia labele tur deit iha Fatin ” Administrador Munisipo Covalima Francisco de Andrade ne’e informa.

Liga ho Assunto ne’e, Administrador Posto Tilomar Jose Ferreira haktuir, konsensia Xefe Suco rasik maka la iha, atu apoio programa sira nebe maka la’o iha Suco laran, no konselho Xefe Suco mos la kopera malu hodi apoio programa iha Suco laran.

“ Konsensia Konselho Xefe Suco rasik maka la iha, atu apoio programa sira ne’ebe maka la’o iha Suco laran, no konselho Xefe Suco mos la kopera malu hodi apoio programa iha Suco laran, hanesan ohin Serimonia Lansamento ne’e, Administrador maka hein fali sira, tanba ne’e ha’u sei konvoka enkontru ida hodi ko’alia konaba asunto ne’e.” Administrador Posto Administrativu Tilomar Jose Ferreira ne’e haktuir.

Entertanto iha Suco Lalawa iha Aldeia 6 kompostu husi Aldeia Salele Bot, Ai-Oan, Betis, Halimea, Tula Iduk, no Kota Foun.

Jornalista                     : Tynho Gusmão

Editor                           : Chamot Nahac