Ainaro (RCCT) 21-08-23–Fundasaun Patria (FP) halo parseiru ho Plan Internasional hetan apoiu fundu hosi Uniaun Europeia, selebra formasaun etapa daruk hodi hakbit kualidade jestaun rekursu no oinsa halo advokasia ba radio lokal sira.
Manajer Projeitu iha Fundasaun Patria Idalia Boavida hatete ho Formasaun ne’e bele hasa’e konesimentu ne’ebe kualidade ba Radio komunidade sira hodi bele buka fundu rasik liu husi kria programa komersial iha estasaun radio komunidade sira.
“iha formasaun ne’e ita foka liu atu hakbit radio komunidade sira iha jestaun rekursu ne’ebe kualidade no oinsa atu halo advokasia iha radio komunidade. Fundasaun patrisa hanoin katak mobilizasan rekursu importante ba radio local sira, tan sira fulan 6 dala ida foin hetan fundus husi SEKOMS, tan ne’e ho formasaun ne’e sir abele buka rasik fundus ba sira nia radio” Idalia esplika
Nudar Fasilitador, Prezidente Konsellu Imprensa Timor Leste Otelio Ote, demostra konaba formasaun ne’e bele haforsa no eleva kapasidade atu garantia sustentabilidade inklui ezistensia radio komunidade nian iha futuru.
“Formasaun ne’e hanesan material ida atu haforsa sira nia kapasidade rasik atu bele implementa iha sira nia radio, hodi radio ne’e bele ijiste nafatin no sustentabilidade ba radio komunidade iha teritorio laran tomak.” Otelio Ote Hateten
Partisipa iha formasaun ne’e, Jestor Radio Komunidade Cova Taroman, Chamot Nahac, konsidera ho formasaun ne’e bele Aumenta kapasidade atu garantia matenek ba jestaun sustentabilidade no funsionamentu radio nian.
Engkuantu, Formasaun ne’e realiza iha salaun Administrasaun postu administrative Ainaro Vila, nebe partisipa husi jestor no jornalista sira husi Radio KOmunidade Cova Taroman (Suai), Radio KOmunidade Mauloko MAubesi, Radio KOmunidade Lian Tatamailau (Ainaro), Radio Komunidade Lian Proklamador Xavier do Amaral (Turiskai, Same) no Jornalista sira husi Media Lian Orluli (Ainaro), Hamotuk ema Nain 25, dehan Manajer Programa iha Fundasaun Patria Adelia Boavida.
Jornalista : JS / Balta Amaral
Editor : CN
