Covalima (RCCT) 20-04-24-Emelita da Costa naran estimada “Aseba”, Tinan 28, rejidensia iha Adeia Lakonak Babu, Suku Debos Postu Administrativu Suai. Distinu termina Aseba nia jornada moris liu husi sirkuita eletridade iha nia uma, iha loron 20 fulan Abril 2024, haleu oras tuku 5 loro kraik.
Tuir fontes kredibel husi Lakonak, Jemito Amaral Informa ba Radio Comunidade Cova Taroman (RCCT), iha loron 19 kalan akontese udan akompaña anin rezulta ai maran monu hanehan fiu eletrisidade ne’ebé ne’e liga ba maktoban nia uma, kose konaba kalen (jinku). Maktoban ho nia familia la senti katak arame ne’ebé dada hodi utiliza ba habai ropa ne’e kose kona mos jinku uma nian tanba arema ne’e kesi iha lataseng uma nian, nune’e to’o iha oras loro kraik lahatene klaru, matebean atu habai ropa ka foti hatama ropa iha arame mak foin akotese eletrisidade soka “strom” Maktoban Aseba, ho akontesementu ne’e Familia esforsu lori Aseba evakua ba ospital referal suai maibe distinu hatudu realidade lori Aseba ba mundu seluk husik hela nia kaben no oan na’im rua.
“Ai mak monu ne’e mak kala kait fiu ne’e monu tun kona iha kalen leten, entaun fiu ne’e kanek ona ne’e mak kalen ne’e kona strom, kalen ne’e aliran mos iha hotu ona, depois fiu ida habai ropa ne’e kan kona kalen. Tanba kesi iha lataseng uma nian, ne’e mak nia ba habai roba ka foti ropa ne’e mak derepente belit iha arame ne’e, hakfodak monu tun ne’e mak konsege lori ospital maibe la konsege salva nia vida” Jemito Amaral esplika ba via telefone ba Radio Comunidade Cova Taroman.
Jemito kontinua konta, ai monu konaba fiu eletrisidade ne’e iha kedas loron 19 kalan, wainhira akontese udan akompaña anin maibe familia la hato’o informasaun ne’e ba autoridade kompentente liu liu EDTL Covalima atu halo atuasaun.
Entrentantu dadaun ne’e maktoban Emelita da Costa naran estimada Aseba iha ona nia redensia, iha Lakonak Babu Suku debos hodi hein familia hala’o serimonia vunebre. Engkuantu Maktoban Emelita da Costa Moris iha loron 6 fulan juñu 1996.
Reportazen RCCT
