Covalima (RCCT) 22-07-23–Nesesidade baziku liliu hanesan fos folin sa’e maka’as iha merkadu Suai, Debos, fo impaktu ba povu ne’ebé iha rendimentu naton atu bele sosa, maibe governu seidauk iha atensaun atu halo kontrolamentu ba folin sasan liu liu fos folin sa’e iha merkadu Debos Suai

Komunidade Lucas Cardoso Amaral “Soran” hatete durante ne’e folin fos ho kilo grama 25 iha merkadu Suai sa’e ba dolar Amerikanu 16.

Lucas dehan antes ne’e fos ho kilo grama 25 folin $ 12,50 kada saku folin dolar Amerikanu 12,50, maibe agora kada saku folin sa’e ba dolar Amerikanu 16,

Negosiante iha merkadu debos nudar na’in ba Lja Arumi, Domingas de Jesus, hatete fos ho kilo grama 25 fa’an iha merkadu Suai ho folin dolar Amerikanu 16 tanba sosa iha Dili hp folin $ 15 kada saku ba kilograma 25

Entertantu fos folin sa’e iha merkadu Suai, la’os manipula husi loja na’in sira, maibe folin fos sa’e iha armazen iha Dili, maibe ba nesesidade baziku sira seluk hanesan mina, masin midar ne’e folin normal, so foos deit maka folin sae.