Covalima (RCCT) 04-07-24-Forum Organizasaun Noun Guvernamental Timor Leste (FONGTIL) realiza enkontru ho membru FONGTIL sira iha Covalima hodi update situasaun atual konaba lala’ok dezenvolvimentu iha Munisipiu Covalima.
Nune’e Diretór Ezekutivu FONGTIL, Valentim da Costa Pinto, infoma iha enkontru ne’e atu rekorda ba membru fontil sira nia analiza iha baze hodi enfaze di’ak liu iha servisu advokasia ninian.
“Enkontru ohin ho objetivu ida katak ami ami nia membru sira iha Munisipiu Covalima ho ami nia autoridade balu hodi bele ko’alia konaba ita nia situasaun atual relasaun ho ita nia lala’ok dezenvolvimentu ninian katak atu bele hare sa situasaun atual ne’ebé agora ita nia Munisipiu, ami nia membru sira nia observasaun ne’ebé sira nia rezultadu ne’ebé ke ami bele rekorda ami bele nota sai hanesan buat ruma ne’ebé ke ami hakarak atu sai enfaze tan iha ami nia servisu advokasia ba ita nia Guverno liuliu Ministeriu Relevante sira” Diretór Ezekutivu FONGTIL, Valentim da Costa Pinto.
Valentim da Costa Pinto, dehan, FONGTIL sei hato’o problema ne’ebé sira observa no difini ona iha Covalima hodi halo diskusaun ho Prezindete Autoridade hodi toma atensaun.
“Ami sei difini ami nia data depois ami nia potu fokal iha ne’e sei buka tempu livre ruma sei bele halo karta audensia ba prezidente Autoridade para bele lori ba halo diskuti ho nia para bele hato’o buat ruma nia uza nia Autoridade hanesan ema nomor 1 iha munisipiu ida atu nia bele hare ba futuru lala’ok dezenvovimentu iha munisipiu ne’e di’ak liu tanba ita mos iha planu konaba atu simu dezetralizasaun ne’ebé ke iha tinan balu mai guvernu sentral sei ofrese konaba pilotu ba Munisipiu sira ne’ebé atu hahu konaba dezentralizasaun ne’e iha munisipiu ida mak Covalima entaun ita hakarak asegura preparasaun ida ne’ebé ke los preparasaun ida ne’ebé naton para ita bele asegura konaba partisipasa sidadaun ninian ne’e bainhira ita tama elisaun ba iha ita nia reprezentante Munispiu ninian katak ema ne’ebé sira tenke hili karik ema ne’ebé tenke iha duni lian ne’ebé di’ak, visaun ne’ebé di’ak atu dezenvolve ita nia munisipiu tuir dalan ne’ebé los, asegura ita nia sidadaun sira nia direitu ba servisu publiku sira ne’e tuir prinsipiu ba Nasaun” tenik Nia.
Entretantu tuir observasaun Membru FONGTIL sira iha Munisipiu Covalima infrenta Problema iha setor Edukasaun liu liu konaba Merenda eskolar, Setor saude halai liu ba menus Aimoruk, no oinsa atu prevene komunidade sira ne’ebé hela iha flonteira husi moras Raiva, setor Agrikultura, inklui movimentu merkadu, inklui problema infraestrutura liu liu konaba kondisaun Estrada sira ne’ebé mak dadaun ne’e sei at.
Jornalista : Moichung
Editor : Chamot Nahac
