.png)
Covalima (RCCT) 13-03-24-Timor Leste Kontinua selebra loron mundia ba feto hodi diskriminasaun oi oin no injustisa sosial ba feto sira iha sosiedade nia let. Ho ida ne’e maka Fokupers parseria ho World Vision iha Timor-Leste no FETO ba progmara POWER hetan fundus husi União Europa komemora loro mundial feto iha munisipiu Covalima ho tema Investe iha edukasaun no ekonomia ba feto aselera progresu.
Partisipa iha komemorasaun loron mundial feto iha Munisipiu Covalima Reprezenta Prezidente Autoridade Munisipal Munisipiu Covalima, Diretór Fiskalizasaun, Anacleto Martins, dezafia Administrador Postu Administrativu na’in 7 no Xefe suku na’in 30 atu sai autor ba igulidade jeneru hahu familia to’o sosiedade nia let.
“Hau dezafia ita mane sira liliu ba APA sira no xefe sira, ida hanesan ne’e ita maka tenke sai autor ba sasan sira ne’e labele ita maka iha ne’eba autor ne’e labele, ita maka tenke hare saida maka ita bele halo ba iha familia no ba iha sosiedade, entaun ita hotu nia esforsu no haree atu bele kontribui ligadu ho injustisa sosial, iha biban ne’e hau sita iha parte rua, ida injustisa no ida seluk ba iha diskriminasaun, maibe iha parte rua ne’e dala ruma ita mane sira halo ida liga ho injustisa ida mos ba iha diskriminasaun ne’e mos buat barak iha ne’eba ida ligadu ba iha parte edukasaun, no ligadu mos ba iha parte sevisu loro-loron nian, loloos ne’e ita mane la presija halo injustisa iha ita nia sosiedade” Reprezenta Prezidente Autoridade Munisipiu Covalima, Diretór Fiskaliasaun, Anacleto Martins, dehan nia deskursu hafoin halo abertura ba komemorasaun loron mundial feto ne’ebé hala’o iha Salaun Administrasaun Munisipiu Covalima.
Ofisial programa advokasia FOKUPERS Noela Beatriz da Dilva Freitas hatete realiza ativadade rua mak hanesan sharing Knowledge ka fahe matenek no Long March ka marsa saudavel.
“Fokupers mai selebra loron mundial feto hamutuk ho komunidade no grupu alvu liu husi projetu power nian mai hamutuk iha Covalima hodi selebra loron mundial feto, iha selebrasaun ida ne’e ami halo atividade rua hanesan atividade fahe matenek no ida seluk maka atividade long march (marsa saudavel), iha atividade fahe matenek ida ne’e ami hakrak rona husi ami nia grupu alvu sira iha esperiensia saida maka sira hasoru iha vida moris loro loron no atividade saida maka sira halo iha grupu laran ne’e rasik, entaun iha ne’eba grupu sira fahe sira nia matenek mai ami katak dala barak sira halo atividade agrikultura ne’e maka oinsa atu kuda modo, haki’ak animal no atividade negosiu ki’ik sira halo oinsa atu poupansa osan” nia dehan.
Reprezenta Grupu Sforty Lalawa, Ferdiana Amaral Leitte, hatete Partisipa iha komemorasun loron mundial feto no inklui mos iha diskusaun hodi fahe matenek, ne’e atu aumenta koñesimentu hodi hakbit an sai lideransa feto ida ne’ebé forte.
“Ohin loron mai iha fatin ida ne’e atu komemora loron mundial feto, liu husi komemora loron mundial ida ohin ami sei fahe koñesimentu liu husi investe ba edukasaun, ekonomia, ba feto no aselera progresu, liu husi fahe koñesimentu hirak ne’e katak atu hakbit ami feto sira, atu nune’e bele haforsa ami no bele hamrik iha oin no lidera ami nia grupu iha ami nia suku no aldeia” nia informa.
Loron 8 fulan marsu konsidera nudar loron mundial feto mundial feto ne’e durante ne’e halo komemorasaun liu ona dala atu ida resin iha mundu.
Entretantu Partisipa iha komemorasan loron mundial feto iha munispiu Covalima ne’ebé Organiaza husi FOKUPESR, Parseiru ho Word Vison no FETO ba Programa POWER ne’e hala’o iha salaun Adninistrasaun Munisipiu Covalima ne’ebe partsipa husi partisipa husi reprezenta PAM Covalima, Diretór Fikalizasaun Anacleto Martins, Administrador Postu Adminstrativu Suai, Tilomar, no Zumalai, inklui xefe suku sira no grupo alvu sira iha Covalima.
Jornalista : Julio Salinas
