Foinsa’e Nelson Alberto Amaral husu ba Santu Padre atu haraik bensaun ba rai Timor liu liu joventude Sira.
“Nudar sarani ida senti kotenti tebes tanba ami viazen husi Suai mai Iha fatin konsentra tibar ho isin ne’ebé mak di’ak no aban sei partisipa misa ne’ebé sei prezidi husi sua santidade Papa Franscisco iha tasi tolu, iha misa ne’e nudar joven hakarak husu ba Papa Franscisco atu haraik matak malirin ba rai ida ne’e no ba ami joventude iha Timor laran tomak” Nelson Alberto Amaral husu.
Nune’e mos Peregrina Helena Madeira espresa nia sentimentu tanba aban bele asiste direta misa solene ne’ebé sei prezidi direta husi sua santidade Papa Francisco iha tasi tolu dili.
“Ami husi sarani Covalima senti kontenti tebes tanba aban sei partisipa misa solene iha tasi tolu ne’ebé Sei prezidi husi Papa Francisco” Helana Espresa.
Entretantu tuir orariu misa solene ne’e sei hala’o iha loro 10 fulan Setembru oras tuku 4 liu minutu 30 ne’ebé Sei prezidi husi Sua Santidade Papa Francisco. Engkuantu Sarani husi Munisipiu Covalima ne’ebé dadaun ne’e konsentra iha Tibar atu partisipa misa ho santu padre Francisco aban iha tasi tolu ne’e hamotuk ema na’in 4591.
Jornalista: Moichung
Editor : Chamot Nahac
