Covalima(RCCT) 19-09-23–UN Women hanesan ajensia ONU nian ne’ebe dedika nia servisu ba avansu igualdade jeneru no hakbiit feto iha Timor Leste, servisu hamutuk ho governu atu atinje igualdade jeneru liu husi haforsa sosiedade ida ne’ebe respeita igualdade jeneru iha aspeitu hotu-hotu.
Rekonese k’nar husi desportu hanesan plata forma social ne’ebe fo impaktu bo’ot ba transformasaun social ne’ebe valoriza no respeitu feto nia kontribuisaun, UN Women iha TL kolabora ho federasaun nasional Basketboll TL realiza workshop ba estudante iha covalima no lansa atividade desportu nebe integra ba igualidade jeneru.
Informa Sekretariu Jeral Federasaun Nasional Basketbol Timor-Leste, Isildo Tilman ba jornalista iha salaun enkontru Eskola Secundaria Jeral Publiku Suai dehan, atividade hanesan antes ne’e realiza ona iha Dili no Oecusse no depois remata iha Covalima sei kontinua ba iha Munisipiu Baucau.
“Hanoin Eventu ida ne’e pela primeiru ves desportu integra atividade igualdade jeneru ba iha desportu no atividade ne’e rasik akontese tanba koperasaun entre federasaun nasional basketbol Timor-Leste ho UN Women ne’ebe hetan apoiu finanseiru husi KOICA mak hodi organiza atividade ida ne’e” informa Sekretariu Jeral Federasaun Nasional Basketbol Timor-Leste, Isildo Tilman ba jornalista iha salaun enkontru Eskola Secundaria Jeral Publiku Suai, Segunda (18/09)
Nia dehan atividades ida ne’e foku liu ba estudante sira ho razaun tanba labarik sira maka future nasaun nian, nune’e ba future harii sosiedade ida ho ema ne’ebe hatene ona konsensializasaun kona ba programa jeneru nian.
“Estudante sira maka futuru nasaun nian, se ita hahu husi sira aban bainrua ita be harii sosiedade ida ho ema ne’ebe hatene ona. konsensializadu kona ba programa jeneru nian, sira nia” kesadaran” konaba igualdade jeneru ne’e iha ona, tan ne’e mak ita hahu ho joven sira ne’e tanba ita hala’o ba future” nia dehan.
Reprezentante estudante husi Eskola Kafe Suai, Pascoela Alves da Costa Soares, sente kontente tanba liu husi formasaun bele loke ona estudante sira nia hanoin kona ba saida maka direitu humanus no bele aprende kona ba igualdade jeneru.
“Formasaun ida ohin treinador sira fo primeiru kona ba direitu humanus, ami estudante nia direitu maka ba eskola no iha formasaun ne’e ami mos aprende kona ba igualdade jeneru, saida mak sexsu” nia esplika.
Entertantu formsaun ne’e hala’o husi Federasaun Nasional Basketbol Timor-Leste no UN Women ne’ebe hetan apoiu finanseiru husi KOICA, no atividade formasaun ida ne’e hala’o iha salaun enkontru Eskola Secundaria Geral Publiku Suai no hetan partisipasaun husi estudante sira mak hanesan estudante ESGP Suai, ESCAM, Kristal no estudante husi Eskola Kafe Suai. Enkunatu molok ne’e, aktividade hanesan relaliza ona iha munisipiu dili no Oecusse.
Jornalista JS
Editor CN
