.png)
Covalima (RCCT) 29-01-24-Guarda Floresta hanesan forsa ida husi Republika Demokratiku Timor-Leste (RDTL) ne’ebé governu kria hodi tau matan no bali balada fuik atu sidadaun sira labele estraga, maibe kondisaun ne’ebé guarda Floresta sira infrenta iha Munisipiu Covalima maka laiha konbustivel ba kareta hodi halo servisu partrullamentu iha terenu.
Xefe Delegasaun Teritorial Floresta Munisipiu Covalima, Domingos Gusmão, hatete Floresta Munisipiu Covalima, iha kareta ida deit maibe to’o agora seidauk hetan konbustivel husi governu.
“Floresta Munisipiu iha difikuldade ne’ebé durante ne’e hasoru primeiru ekipamentu guarda floresta hanesan transporte ami seidauk iha, ami iha kareta ida maibe difikukuldade maka konbustivel ami seidauk hetan durante ne’e, ami seidauk hetan mina, difikuldade ida maka guarda floresta sira nia transporte sira atu halo patrulamentu hodi kontrola ai sira, Servisu Guarda floresta ne’e servisu ida ne’ebé todan sira atu halo patroli iha postu tomak mais maibe sira nia ekipamentu laiha tanba ne’e sira atu tun ba terenu desaraska sira rasik na’in lori sira nia motorizada privadu” Xefe Delegasaun Teritorial Floresta Munisipiu Covalima, Domingos Gusmão, dehan ba RCCT iha nia k’nar fatin Floresta Munisipiu Covalima Segunda (29/01).
Xefe Delegasaun Teritorial Floresta Munisipiu Covalima, Domingos Gusmão, haktuir durante ne’e guarda Floresta Munisipiu Covalima seidauk simu tranporte liliu hanesan motorizada husi governu atu hodi hala’o servisu, nune’e mak durante funsionariu sira uza rasik transporte privadu hodi hala’o servisu kontrollamentu iha terenu.
“Sim sira seidauk simu transporte sira ba survey ne’e ai teka sira ne’ebé komunidade presija atu ko’a ne’e, sira ba uza motorizada privadu hodi ba hala’o sira nia knar, tan ne’e husu ba nai ulun sira bele tau matan hodi fasilita netik transporte ba guarda Floresta sira iha Covalima hodi hala’o hela sira nia knar servisu ho diak” nia husu.
Enkuantu Xefe Delegasaun Teritorial Floresta Munisipiu Covalima, Domingos Gusmão, dehan durante ne’e guarda sira hasoru difikuldade liliu konaba transporte motorizada laiha, Floresta Covalima iha kareta ida deit no mos problema seluk mak la hetan kobustivel husi goveru.
Jornalista : Julio Salinas
Editor : Chamot Nahac
