.png)
Filomino Cardoso, konsidera PN-BESI-TL ninia programa bele ajuda governu hodi fornese be ba komunidade sira.
“Ha’u rekomenda atu bele habelar tan ba suku sira seluk iha Munisipiu Covalima, tanba agora sira mai tarjetu ba iha suku rua hanesan Suku Dato Tolu ho Suku Fohorem, Postu Administrativu Fohorem nian, programa ida ne’e kapas tebes hodi hakbiit governu liu husi Servisu Munisipal Agua no Saneamentu (SMAS) no Be Timor-Leste Empreza Publiku Covalima nian” dehan Sekretariu Munisipal Asuntu Sosiais no Organizasaun Komunitaria, Filomeno Cardoso.
Kordenador Jeral PN-BESI-TL, Januario Amaral de Jesus, rekuñese durante prezensa iha Covalima foin mak implementa programa iha suku rua deit ne’ebé maibe sei la taka matan ba suku sira seluk iha Covalima.
“Loos duni ha’u hanoin rekomendasaun husi parte autoridade sira tanba hanesan ohin ita mensiona ida ne’e iha Munisipiu Covalima eskolla suku rua, maibe la taka dalan mos oinsa ita atu rekolla informasaun suku sira seluk tanba ho ida ne’e ho kbi’it oinsa apoiu husi governu nian ne’ebé maka ita nia intervensaun suku rua, maibe informasaun sira mos ita nia ekipa sei kobre liliu Munisipiu Covalima rasik, oin nusa populasaun ka komunidade asesu ba be, oin nusa funsionamentu sira ne’e la’o di’ak ka lae, konaba fornesimentu ohin husi grupu sira ohin temi iha suku 30 ne’e funsionamentu la’o di’ak ka lae ne’e ita sei kobre mos informasaun sira husi husi 30 iha Covalima” nia rekata.
PN-BESI-TL hala’o ninia programa iha Covalima foin mak eskolla suku rua iha psotu administrativu Fohorem maibe iha futuru sei kontinua rekolla tan informasaun husi suku-28 seluk iha Covalima.
Jornalista : Julio Salinas
