Covalima (RCCT) 08-04-25-Sekretariu Munisipal Asuntu Sosiais no Organizasaun Komunitaria, Filomeno Cardoso, enkoraza vendedor sira iha Munisipiu Covalima kontinua badinas fila liman hodi hametin ekonomia familia.
Autoridade ne’e husu ba negosiante sira hadi’a di’ak liu tan rendimentu ekonomia iha Munisipiu Covalima, liu liu iha familia ida idak.
“Mantein ita bo’ot sira nia negosiu ne’ebé maka di’ak hodi hametin ita nia ekonomia liliu iha ita nia Munisipiu Covalima, atu ita nafatin metin ho ita nia ekonomia familia ne’ebé maka ita bo’ot sira kuda rasik ita bo’ot sira ida-idak liu husu ita bo’ot sira nia negosiu ne’ebé maka hala’o durante ne’e” informa Filomeno liu husi nia diskursu hafoin halo abertura ba atividade kapasitasaun ne’ebé hala’o iha Salaun IADE Covalima, Oraganiza husi Ministeriu Komersiu no Idunstria ho tema “Ho kapasitasaun vendedores konaba jestaun, estratejia negosiu, mai ita hasa’e konesimentu hodi bele dezenvolve liu tan ita nia ekonomia rai laran”.
Ditretór Jeral Ministeriu Komersiu no Industria (MCI), Nelito Lima de Araujo, fundamenta katak, Ministeriu Komersiu no Industria isntala ona diresaun ida atu servisu hamutuk ho autoridade sira, hodi tau matan ba vendedor sira ne’ebé maka durante ne’e hala’o atividade negosiu.
“Ministeriu Komersiu no Industria iha Diresaun Nasional Komersiu Internu, iha mos Departamentu ida ligadu ba departamentu jestaun merkadu, departamentu ida ne’e maka haree oinsa vendedores sira nune’e mos ba servisu hamutuk ho Ministeriu Administrasaun Estatal liliu ba Prezidente Autoridade Munisipiu sira atu nune’e bele hare liliu ba ita nia maluk vendedor sira ne’ebé maka fa’an sasan iha merkadu nune’e mos iha liur, ida ne’e maka ami nia servisu hamutuk” Ditretór Jeral Ministeriu Komersiu no Industria (MCI), Nelito Lima de Araujo. Relata.
Enkuantu Sekretariu Munisipal Asuntu Sosiais no no Organizasaun Komunitariu, Filomeno Cardoso hato’o lia ne’e liu husi nia diskursu wainhira halo abertura ba atividade kapasitasaun ba Emprezariu no vendedor sira ne’ebé organiza husi MTCI no UN-Women iha Salaun IADE Covalima, ho tema “Ho kapasitasaun vendedores konaba jestaun, estratejia negosiu, mai ita hasa’e konesimentu hodi bele dezenvolve liu tan ita nia ekonomia rai laran”.
Jornalista : Julio Salinas
Editor : Chamot Nahac
