Nune’e APA Suai husu feto hotu iha Suai atu promove an, partisipa iha kolker atividade nune’e bele iha kapasidade hodi hetan konfiasaun atu sai liderasa.
“Ba xefe aldeia ita iha kandidatu ne’ebé eleita ba xefe aldeia iha kandidatu na’in 6, kandidatu na’in 2 husi suku Debos maka xefe aldeia Tabako loot Feto, no xefe aldeia Ahi Narai mos feto, ida iha Suku Kamanasa iha Aldeia Ailok Laran feto ida, rua iha Suku Suai-Loro hanesan xefe aldeia Mane Ikun no xefe aldeia Loro no ida seluk maka xefe aldeia Holba iha Suku Labarai, ha’u nia lia menon maka ne’e feto sira tenke promove ita bo’ot sira nia an liliu partisipa iha atividade hotu atu nune’e ita bo’ot sira bele hetan konfiansa husi eleitores sira, ita bo’ot sira iha kapasidade maka la promove an, la hatudu an ba publiku oinsa maka bele hetan konfiansa husi publiku para sai lideransa” informa Administrador Postu Administrativu Suai, Luizinho do Rego ba jornalista iha Sede Suku Debos Tersa ne’e.
Luzino re afirma eleisaun orgaun suku tinan ida ne’e, suku 5 iha Postu Administrativu (PA) Suai iha kandidatura ema na’in 30 kompostu husi feto nain 2 no mane na’in 28.Maibe feto na’in 2 hamotuk ho kandidatura mane na’in 23 seluk derota iha eleisaun primeiru volta, maibe Suku Debos mak termina ho votoria ba xefe Suku atual re eleitu dala ida tan ba mandatu tinan.
Nune’e Suku hat mak avansa ba segundu volta ho kandidatura mane hotu, hamotuk na’in 8 mak kompete ba eleisaun suku segundu volta iha suku ida idak.
“Husi suku 5 ne’e ita iha kandidatu ba xefe suku iha ema na’in-30 ne’e na’in-28 mane no feto na’in-2, ida husi suku Kamanasa no ida seluk husi suku Suai-Loro, maibe sira seidauk hetan konfiansa husi eleitor sira hodi la avansa ba segundu ronde” nia dehan.
Entertantu APA Suai konsidera xefe suku na’in 3 ne’ebe eleitu no suku iha mak re eleitu iha eleisaun segundu ronde maioria iha ona esperiensia atu lidera suku, tan ne’e nia husu ba Xefe Eleito na’in 3, Labarai, Kamenasa, Suai loro no Xefe Suku re eleitu na’in 2, Debos no Beko atu hatudu reponsabilidade hodi dezenvolve suku no hadi’a povu nia moris iha mandatu tinan 7 nia laran.
Jornalista : Julio Soares
