Hafoin fo pose ba Prezidenta FESTIL Covalima ho ninia Estrutura, Prezidente FESTIL Nasional Heribertus A. Colo husu ba estrutura atu unidu hodi halo intrevensaun ba informasaun sira ne’ebé iha ligasaun ho Arte Mariais hodi kontribui ba dame iha munisipiu Covalima relasiona ho komemorasaun loron 28 de Novembru.
“Estrutura tenki Unidus, Tenki Update Informasaun Ligadu ho Arte Marsiais, Bolu Media Sira halo Konfrensia Pers konaba halo asaun dame liga ho komemorasaun loron 28 de Novembru nian.Ita Esforsu ko’alia ho lider nasional sira, Primeiru Ministru Xanana Gusmão atu nune’e iha konsellu ministru bele re-ativa arte marsiais liu liu tolu ne’ebé suspende, para nune’e iha Abril ka Maiu ita be;e halo kamponatu” Prezidente FESTIL Nasional Heribertus A. Colol, Relata.
Prezidente Eleitu FESTIL Munisipiu Covalima, Francisco Alves dehan FESTIL hanesan mahon ba Arte Marsiais nune’e sei esforsu maka’as kopera ho entidade hotu hodi kontribui pozitivu ba dezenvolvimentu Iha Munsipiu Covalima.
“Ami iha misaun no vizaun hakarak estabelese dame no paz iha munisipiu covalima atu kontribui pozitivu ba dezenvolvimente” Prezidente FESTIL Munisipiu Covalima, Francisco Alves. Dehan.
Prezindete FESTIL Munisipiu Covalima Francisco Alves mos Rejeita wainhira Sosiedade sira kondena Individu ida lori Oragaun nia naran komete problema tanba orgaun la hanorin membru atu komete Problema.
“FESTIL Hanesan Mahon ka Sumbriña ba Arte Marsiais hotu, ami sei esforsu maka’as, husu suporta ba etidades hotu atu bele suporta FESTIL, nune’e ba oin bele Apoiu FESTIL no Arte Marsiais hotu hodi kontribui ba Paz iha Rai ida ne’e. Ami la konkorda ita desfama Organizasaun ida nia naran katak lori organizasaun mak halo krimi, tanba dala barak mosu probelma ne’e entre individu maibe kondena maka’as ba organizasau Arte Marsiais, ida ne’e lalos” Tenik Sico Alves.
Nune’e iha future FESTIL Sei kopera ho Entidade sigaransa sira hodi halo sosializasaun konaba lei Arte Marsiais ninian, hametin Unidade no Amizade entre Arte Marsiais hodi labele hamosu problema no muda imazen Arte Marsiais iha Sosiedade nia let.
Entretantu iha Konfrensia ne’e, abansa ho Pakote Uniku ne’ebé Francisco Alves ho Nia Pakote hetan Vitoria ho Votu unaminidade hodi lidera FESTIL iha Munisipiu Covalima.
Jornalista : Chamot Nahac
Editor : RCCT
