Covalima (RCCT) 30-08-20- Federasaun Kungfu Master Timor Leste hala’o serimonia kesi sintu metan ba membro hamotuk na’in 58 iha Suco Lour Postu Administrativu Zumalai hodi sai treinador foun ba Federasaun Kungfu Master.
Sai treinador iha Federasaun Kungfu Master Timor Leste La’os atu Kria Inimigo ho Grupo Arte Marsiais (GAM) sira seluk, maibe tenki buka amigo kria nafatin amizade GAM seluk, no mos tenki respeitu nafatin familia sira liliu inan no aman sira. Dehan representante treinador Federasaun kungfu Master Timor-Leste Benjamin da Costa hafoin remata serimonia kesi sinto Metan iha Suco Lour Domnigo (30/08/20).
“Ha’u dehan ba treinador foun sira katak sai terinador ne’e la’os hakarak atu sai inimigu ba ita nia maluk sira seluk, maibe ita tenki kria nafatin amizade no sai nafatin amigo ba ita nia maluk sira seluk nebe mak diferente hosi ita nia oganizasaun, no husu atu respeita mos ita nia famila sira liu liu ba ita nia inan no aman” Dehan Benjamin.
Benjamina da Costa mos dehan Entre treinador foun na’in 58 ne’e, iha treinador feto hamotuk ema na’in 10 no treinador mane ema na’in 48.
Liga ho ne’e Administrador Postu Administrativu Zumalai Caitano do Santos Ribeiro afirma durante ne’e GAM Kungfu Master hala’o treinu nunka subar husi komunidade sira tanba ne’e hanesan Administrador Postu Zumalai nia parte senti Orgulho ho ida ne’e.
“ Nudar administrador iha postu ida ne’e ha’u senti orguilho tebes tamba durante ne’e Arte Marsiais Kungfu Master ne’e hatudu hahalok nebe di’ak no ida ne’e ezemplo ida ne’ebe di’ak tamab durante sira loke treino nunka subar husi komunidade sira iha Suku lour”dehan Administrado Postu Zumalai wainhira partisipa iha serimonia ne’e.
tan ne’e Administrador Postu Zumalai ne’e husu nafatin ba GAM Kungfu Master iha Postu Zumalai atu nafatin hadok aan husi konflito no nafatin kumpri ba Lei sira nebe vigora ona iha Timor Leste.
“Ha’u husu ba alin sira husi Arte Marsiais ida ne’e tenki hadok imi nia aan hosi konflito ka problema oi oin sira hotu atu nune’e ita bo’ot sira labele sai vitima ba iha problema sira ne’e, ha’u mos husu atu imi nafatin kumpri ba Lei sira nebe ita nia nasaun Regulan.” Tenik Administrador Postu Caitano do Santos Ribeiro.
Tuir Observasaun husi RCCT, iha serimonia kesi sintu metan ba treinador Kungfu Master foun ne’e partisipasa hosi auturidade lokal sira hanesan Administrador Postu Administrativu Zumalai, PNTL Eskuadra Zumalai, no partisipa masimu husi komunidade sira iha Suco Lour.
Jornalista : Jhony
Edutor : Chamot Nahac
