Covalima (RCCT) 29-03-25-Reprezenta Prezidente Republika (PR),Jose Manuel Ramos Horta, Vise Ministru Komersio no Industria, Augusto Junior Trindade, akompaña husi Assesor SSAS Prezindete Republika (PR), Quintiliano Moniz Carvalho, fahe nesesidade bazika ba familia k’bit naton no Ema ho Difisiensia (Ehd) hamotuk 200 iha Postu Administrativu Zumalai, Munisipiu Covalima.
Reprezenta Presidente Republika, Vice Ministru Komersiu no Industria Augusto Junior Trindade hatete apoiu ida ne’e hanesan oferta ida husi husi Predidente Republika hodi hatudu katak estadu no governu sempre hamutuk ninia povu iha Timor Leste.
“Ohin iha ne’e, ita nia Autoridade sira hili ita nia familia sira para mai simu netik buat ruma ki’ik oan husi na’i Prezidente, ne’e hanesan oferta ida ba ita bo’ot sira, la’os buat bo’ot, ida ne’e simbolikamente atu hatudu katak Estadu no Governu sempre hamutuk ho ita nia inan aman, ita nia maluk sira ne’ebé ho kondisaun difisiensia,” Vice MinistruKomersiu no Industria Augusto Junior Trindade, Tatoli lia.
Iha fatin hanesan Administrador Postu Administrativu Zumalai, agradese hodi relata dadus benefisiariu ne’ebé simu apoiu husi Prezidente Republika hamotuk ema na’in 200.
“Agradese ba Prezidente Republika ka Representante Primeiru Ministru, Vice Ministru Komersiu Industria, ne’ebé ho laran luak ohin bele mai iha fatin ida ne’e hodi fahe direita nesisidade bazika ba Inan aman k’bit naton no difisiente sira iha Postu Zumalai, no benefisiariu sira ne’ebé mak atu simu sasan sira ne’e hamutuk atus rua” Autoridade Postu ne’e Relata.
Entretantu Prezidente Republika fahe nesesidade bazika ba familia k’bit naton no Ema ho Difisiensia (EhD) iha Postu Administrativu Zumalai, ne’ebé mai husi Suku Ualu, mak hanesan Suku Zulo, Lour, Fatuleto, Mape, Lepo, Thasilin, Raimea no Suku Usekai hamutuk 200, egkuantu nesesidade hirak ne’e mak hanesan Fos,Mina tein, manu tolun, ropa, sapatu no seluk tan.
Jornalista : Alfredo Barreto
Editor : Chamot Nahac
