Miguel Armada Cardoao (Razão) Afirma Autoridade sira iha Covalima sei nafatin alerta hodi fo atensaun ba komunidade sira atu ses husi fatin risku dezastre.
“Tanba ida ne’e maka PAM orienta ona hodi haree situasaun ho di’ak, maibe natureza ohin loron lori ita boot sira mai iha fatin ida ne’e, se bainhira Beko oras ida ami ba sei lalin sira lori mai tau iha Haemanu no komunidade sira iha Aldeia Tabolo, Tafara ami sei lalin sira ba tau iha Eskola Koitau, ida ne’e maka ami halo, tanba ida ne’e maka fo hanoin nafatin ida ne’e liliu konsellu suku, xefe suku no administrador postu sira tenke stanby, iha Suai karik administrador postu tenke halai ba iha Suai-Loro, akar Laran no Beko, Tilomar no Zumalai mos hanesan tenke halai ba iha Suku Raimea, Lour, Salasa, Tashilin, Galitas” dehan PAM.
Komandanten PNTL Covalima Super Intendente Polisia Calisto Gonzaga Apela ba familia afeta sira atu identifika membru famiia sira hodi garantia seguru.
“Parte seguransa husu fabor hotu-hotu iha ne’e karik familia balu ba to’os, natar ka ba haree animal sei dauk fila mai halo fabor fo naran ba xefe aldeia hodi hato’o mai ami atu nune’e para bele buka informasaun, nune’e prezidente autoridade ho PNTL bele hatene atu kanaliza ba iha sentral atu ema sira iha leten bele rona nutisia husi Covalima” Komandante Informa
Entretantu molok halo evakuasaun ba familia efetadu husi suku suai loro ho dadus provizoriu ema nain 546 ne’e, PAM akompanya husi Komandante PNTL Covalima hamotuk Ho Secretário de Assunto Sociais e As Organizações Municipal de Covalima, Komandante Operasional Autoridade Protesaun Sivil Covalima no Bombeiru, Administrador Postu Administrativu Suai, Servisu Munisipal Obras Publiku no Transoorte, Servisu Munisipal Protesaun Sivil Jestaun Dezastre Naturais, Servisu Munisipal Aprovizionamentu, Servisu Munisipal Agua no Saneamentu, Servisu Munisipal Asaun Sosial, Servisu Munispal Ajensia Fiskalizasaun , Sentru Solidaridade Sosial Covaliman no Paraseiru hanesan ONG Belun, CVTL, Halo uluk Observasaun ba Fatin sira nebe konsidera Risku ba Dezastre Naturais iha Munisipiu Covalima
Jornlista : Matias de Sousa/Julio Salinas.
Editor : Chamot Nahac
