Iha Ditribuisaun Apoiu emrjensia ba familia afetadu sira ne’e, Administrador Postu Administrativu (APA) Zumalai, Alipio Magno, relata dadus ne’ebé rekolla hahu husi loro 30 fulan maiu to’o loron 1 juñu hamutuk uma ka’in 199 kompostu husi suku, Thasilin, Zulo no Suku Lour.
“Ohin loron ita nia komunidade sira ami organiza mai Postu Administrativu Zumalai hodi fo apoiu Emerjensia durante hetan inundasaun sira nia uma, hahu husi dia 30 Maiu mai to’o dia 1 juñu, dadus sira ne’e ami levanta ona ba munisipiu ohin sira husi munisipiu liu liu dirasaun dezastre no autoridade protasaun sivil Munisipiu covalima hodi fo total apoiu ba komunidade sira ohin ne’ebé hetan apoiu ne’e iha 105 kompostu husi suku lour, Tazhilin no zulo suku tolu nemak durante ne afetadu” Alipio Magno, relata iha resinto Administrasaun Postu Zumalai Kuarta (05/06)
Sekretariu Munisipal Asuntu Finansas no Rekursu humanu, Alberto Moniz de Araujo, hateten apoiu aihan ba komunidae sira ne’e kuantidade labarak liu maibe nia valor ne bo’ot tebes oisa bele fo benifisiu ba komunidade afetado sira
“Hanesan autoridade Munisipiu Covalima nian ha’u reprezenta prezidente Autoridade atu mai halo lansamentu distribuisaun ba sasan kategoria non food item no food item, ita ne’e food item ne’e ba iha fos, mina tein, supermi,susu dangko no beskuit no noun food item ne’e ba sasan dapur nian hanesan sanan bikan no mos sasan sira ne’ebé maka nesesidade iha dapur ne’e atu bele responde iha teumpu emerjensia nian wain hira komunidade hetan arfetadu husi dezastre naturais ka inundasaun” Informa Sekretariu Munisipal Asuntu Finansa no rekursu umanu,Alberto Moniz de Araujo.
Entretantu iha distribuisaun apoiu emerjensia ne’e halo husi ekipa protesaun Sivil, Servisu Munisipal Protesaun Sivil no Jestaun Dezastre Naturais no paiseiru sira hanesan CVTL, UNDP, partisapa mos husi Sekretariu Munisipal Asuntu Finansa no Rekursu umanu Administrador Postu Administrativu Zuamalai.
Jornalista : Moichung/Matias de Sousa
Editor : Chamot Nahac
